دكتوره توريس رجعت حصري لموقع لمحه
المدير بتاعي جاي يتعشى معانا النهاردة. سيبي السفرة جاهزة وبعدين اقفلي على نفسك في الأوضة. مش عايزه يشوفك بالمنظر ده... شكلك ست مهملة وكبيرة"
"ماريانا توريس" وقفت متجمدة في نص المطبخ، في إيدها معلقة خشب.
عندها 48 سنة. قضت معظم الصبح بتطبخ عشا "أليخاندرو" جوزها غير رأيه فيه 3 مرات: مرة عايز طبيخ تقليدي، وبعدين لحمة مشوية، وفي الآخر قرر إن حاجة "أشيك" هتبقى أحسن عشان تبهر "سيرجيو مندوزا" المدير الإقليمي في الشركة اللي بيشتغل فيها.
"عايزني أحبس نفسي في الأوضة؟" سألت ماريانا بصوت واطي.
أليخاندرو حتى مبصلهاش وهو بيظبط ياقة القميص قدام مراية الطرقة.
"متعمليش دراما. أنا خلاص هترقى وأبقى مدير عام. سيرجيو أول مرة ييجي البيت، ولازم كل حاجة تبقى مثالية"
"ده بيتي أنا كمان"
"وما دام بيتي وبيتك، فأنا بطلب منك خدمة. قدمي العشا واختفي شوية"
ماريانا حست بالغصة اللي اتعودت تبلعها بقالها سنين.
الشقة الدوبلكس دي بتاعتها. هي اللي اشترتها قبل الجواز بسنين.
وزمان كانت دكتورة جراحة حوادث محترمة، متعودة على 12 ساعة في العمليات وبتاخد قرارات في ثواني وحياة بني آدمين في إيدها.
بس من 7 سنين بنتهم "لوسيا" عندها 12 سنة ماتت في حادثة عربية.
بعدها ماريانا سابت المستشفى.
بطلت تنام الأول. وبعدين بطلت ترد على التليفونات. وفي الآخر بطلت تعرف الست اللي في المراية.
أليخاندرو وقف جنبها في الشهور السودا دي. كان بيوديها جلسات العلاج، ويطبخلها لما مكنتش قادرة تقوم من السرير، ويلغي خروجات عشان يقعد معاها.
ماريانا عمرها ما نسيت ده.
يمكن عشان كده، لما دعمه اتحول بالبطيء لنق وتريقة وذل، اختارت تسكت.
"أنا اللي شيلتك في وقتك"
"إنتِ مبقتيش الست اللي اتجوزتها"
"بصي في المراية قبل ما تنتقديني"
بقالها سنين مقنعة نفسها إن استحمال قسوته ده رد جميل عشان مسابهاش.
الساعة 7، سيرجيو مندوزا وصل.
أول ما الجرس رن، أليخاندرو اتحول. ضحكة عريضة، صوت واثق، فتح إزازة نبيذ غالية، واستقبل مديره كأنه مقالش لمراته من 10 دقايق "اخفي شكلك".
ماريانا فضلت في أوضة النوم.
من هناك سمعت سيرجيو بيمدح الأكل: "أكل مراتك رهيب يا أليخاندرو. خليها تقعد معانا"
سكت ثانيتين.
"متقدرش" رد أليخاندرو بصوت حزين مصطنع. "من ساعة مصيبة بنتنا وهي حالتها صعبة جداً. يدوب بتستحمل تقابل ناس غريبة"
ماريانا رفعت راسها وقلبها وقع.
"أكيد صعب عليك" قال سيرجيو بتعاطف.
أليخاندرو اتنهد جامد: "ما هو الواحد مبيتخلاش عن حد وهو مكسور. لغيت سفريات شغل، وفوت اجتماعات مهمة، وحتى فرص ترقية عشان بتتصل بيا بيجيلها نوبة هلع ولازم أجري. في أسابيع يدوب بتخرج من البيت"
ماريانا حست بتلج ماشي في ضهرها.
ده كدب كله.
بقالها سنتين عمرها ما طلبت منه يلغي سفر. هي اللي بتقضي مشاويرها. بتجيب الطلبات. بتزور أختها. حتى بدأت ترجع تقرا المجلات الطبية تاني.
وهي بتحاول تلم نفسها، هو في الشغل بيحكي حكاية الست الغلبانة اللي متقدرش تعيش من غير تضحيته النبيلة.
الساعة 9 وشوية سيرجيو مشي.
ماريانا استنت لحد ما سمعت تكة الباب، وطلعت تلم السفرة.
فجأة صوت من الطرقة: "معلش نسيت موبايلي على الترابيزة!"
سيرجيو رجع.
ولما رفع عينه وشاف ماريانا واقفة عند السفرة، اتجمد مكانه. بص في وشها كتير ووشه بهت.
"دكتورة توريس؟"
أليخاندرو ظهر وراه ووشه اتشنج من الرعب. "إنتو... تعرفوا بعض؟"
سيرجيو مبصش لأليخاندرو أصلاً. عينه لازقة في ماريانا. "إنتِ اللي عملتي عملية لابني"
ماريانا حطت الطبق على الترابيزة بالراحة. "كان اسمه إيه؟"
"دانيال مندوزا" قال سيرجيو وصوته بيترعش. "كان عنده 10 سنين. دخل الاستقبال الساعة 2 بالليل بعد وقعة جامدة. الدكاترة قالولنا غالباً مش هيكمل الليلة"
الذكرى ضربتها زي الصاعقة. ولد شاحب. أب مرعوب في الطرقة. 4 ساعات في العمليات.
"دانيال..." همست.
سيرجيو ابتسم وعينه دمعت: "عايش يا دكتورة. عنده 23 سنة دلوقتي"
ماريانا وقفت نفسها ثانية. "بجد؟"
"في آخر سنة في كلية الطب" قال سيرجيو وقرب خطوة. "عايز يبقى دكتور جراحة حوادث. زيك بالظبط"
طلع كارت وبزنس وحطه على الترابيزة: "بقالي 13 سنة بدور عليكي عشان أقولك شكراً"
أليخاندرو واقف في الطرقة، ساكت وغضبان وبيجز على سنانه.
أول ما سيرجيو مشي، أليخاندرو رزع الباب وبصلها: "كان لازم تطلعي تاني ما رجع؟!"
ماريانا بصتله مش فاهمة: "هو ده اللي شاغلك؟"
"بقالي 6 شهور ببني علاقة شغل مع الراجل ده!"
"وبنيتها على كدبة إني واحدة عيانة ومش قادرة أقابل ناس!"
"متكبريش الموضوع!"
"أنا سمعتك يا أليخاندرو!"
وش أليخاندرو نشف...
أليخاندرو فضل يزعق:
"إنتِ بوظتي كل حاجة! 6 شهور بطلع السما عشان أبان الضحية وجوز الست المريضة... وإنتِ طلعتي دكتورة؟!"
ماريانا بصتله وضحكت ضحكة باكية:
"يعني المشكلة مش إنك كدبت؟ المشكلة إن الكدبة اتكشفت؟"
"اقفلي بقك!" صرخ. "لو سيرجيو عرف الحقيقة ترقيتي راحت"
دخل أوضته ورزع الباب.
ماريانا وقفت في المطبخ لوحدها. مسكت كارت سيرجيو.
"دكتور دانيال عايش... وعايز يبقى زيي"
دموعها نزلت لأول مرة من 7 سنين. مش دموع حزن... دموع إنها لسه موجودة.
الساعة 2 بالليل، موبايلها رن. رقم مجهول.
رسالة واتساب:
*"من: رقم مجهول*
*_أنا سكرتيرة سيرجيو. هو طلب مني أبعتلك ده.
جوزك مقدم على الترقية من 8 شهور. وفي الـ CV بتاعه كاتب:
'متزوج من مريضة اكتئاب حاد، أرعى زوجتي على حساب شغلي وترقياتي. نموذج للتضحية والمسؤولية'.
الشركة اختارته عشان 'إنسانيته'.
آسفة. كان لازم تعرفي"__
ماريانا قعدت على الأرض.
يبقى ده السبب.
مش خايف عليها. خايف على الترقية.
بيستخدم وجعها وحزنها على لوسيا كسلم يطلع عليه.
تاني يوم الصبح سيرجيو بعت إيميل للشركة كلها.
CC لماريانا.
__"بعد لقائي بالأمس بالدكتورة ماريانا توريس، الجراحة اللي أنقذت حياة ابني من 13 سنة، قررت سحب ترشيح أليخاندرو توريس لمنصب المدير العام.
الشركة دي بتحترم الحقيقة. ومبنرقّيش الناس اللي بتبني نجاحها على كدب وعلى ضهر مراته"_*
بعدها بساعتين، أليخاندرو لم هدومه.
"هتمشي؟" سألته ماريانا بهدوء.
"إنتِ اللي خربتي بيتي"
"البيت ده باسمي" ردت. "وإنت اللي خربت نفسك"
قبل ما يمشي وقف: "هتعملي إيه دلوقتي؟"
ماريانا بصت للمراية. لأول مرة شافت الدكتورة.
"هرجع المستشفى. في ناس مستنياني"
بعد شهر، ماريانا رجعت غرفة العمليات.
وبعد 3 شهور، دانيال مندوزا جه المستشفى يتدرب تحت إيدها.
أول يوم قالها: "ماما حكتلي عنك كل يوم. شكراً إنك رجعتي"
وأليخاندرو؟
قدم استقالته. محدش شغله تاني في نفس المجال.
