الظرف المقفول حصري لموقع لمحه

أمي قبل ما تموت ادتني ظرف مقفول فيه 1500 دولار وخلتني أوعدها اني مفتحوش غير لما أبقى بجد مزنوقة.. بعدها ب 3 سنين لما فجأة احتاجت فلوس عشان ملحقش بيتي يتاخد مني فتحته أخيرا وفهمت ان الفلوس عمرها ما كانت هي الهدية الحقيقية
وأنا صغيرة أنا وأمي مكنش معانا فلوس كتير.. هي اللي ربتني لوحدها وكانت بتحوش كل جنيه تقدر عليه فكنا نادرا لما بنشتري حاجة مش محتاجينها.. بس بصراحة عمري ما حسيت ان ناقصني حاجة.. أنا وأمي كنا قريبين من بعض أوي وكانت دايما بتلاقي طريقة تخلي حياتنا الصغيرة دي شكلها مميز
وعشان كده لما تعبت بعدها بسنين كان الموضوع أصعب
آخر 6 شهور في حياتها كنت بقضي معاها أطول وقت أقدر عليه.. أساعدها في البيت وآخدها للدكاترة وأفضل جنبها وهي كل يوم بتضعف عن اللي قبله
وقبل ما تموت بكام يوم أمي طلبت مني أقعد جنبها وادتني ظرف مقفول
فيه 1500 دولار جواه.. أوعديني مش هتفتحيه غير وانتي بجد مزنوقة
اتصدمت.. أمي طول عمرها بتحسب كل جنيه فمكنتش متخيلة جابت منين 1500 دولار تشيلهم على جنب
حاولت أسألها بس هي خلتني أوعدها وبس
وعشان ده كان من آخر الحاجات اللي طلبتها مني في حياتها وعدتها
بعد ما ماتت شلت الظرف وحطيته بعيد واتعاملت كأنه مش بتاعي ولسه مجاش وقته
في خلال ال 3 سنين اللي بعدها الحياة ادتني أسباب كتير أبقى عايزة الفلوس دي.. الفواتير فوق بعضيها وحاجات بتبوظ وشهور كانت صعبة بس بطريقة ما كنت دايما بلاقي حل وأعديها
لحد ما كل حاجة اتغيرت
فجأة بقيت معرضة اني أخسر بيتي بجد ولأول مرة عرفت ان هو ده الوقت اللي أمي كانت تقصده
فتحت الظرف بتاعها أخيرا
الفلوس كانت موجودة بس وراها كان فيه حاجة مكنتش متوقعاها
اتجمدت مكاني لما شفتها وفجأة ال 1500 دولار اللي في إيدي مبقاش ليهم أي لازمة.. الفلوس عمرها ما كانت هي الهدية الحقيقية
فتحت الظرف والفلوس كانت موجودة 1500 دولار زي ما هي قالت بس وراها كان فيه حاجة مطبقة 4 تطبيقات وورقة صغيرة قديمة مصفرة
شديت الورقة المطبقة وفتحتها.. لقيت خط إيد أمي
أول ما شفت خطها قلبي وقع.. بقالي 3 سنين مشفتش خط إيدها
كانت كاتبة
يا حبيبتي لو انتي بتقري الورقة دي يبقى انتي فعلا مزنوقة زي ما كنت خايفة.. وده معناه اني مش جنبك أساعدك زي ما كنت بعمل طول عمري.. فمعلش سامحيني
أنا اتجمدت مكاني وال 1500 دولار اللي في إيدي مبقاش ليهم أي لازمة زي ما قلت
كملت قراية
ال 1500 دولار دول مش تحويشة.. أنا طول عمري بحوش كل جنيه زي ما انتي عارفة وعمري ما عرفت أشيل مبلغ كبير.. الفلوس دي جت من بيع الخاتم بتاعي.. الخاتم اللي كنت لابساه طول عمرك شايفاه في صباعي.. فاكراه؟
طبعا فاكراه.. الخاتم الدهب الرفيع اللي كان فيه فص صغير أزرق.. أمي كانت لابساه طول عمري.. من يوم ما اتولدت وهي لابساه.. كانت تقول ده الحاجة الوحيدة اللي فاضلة لي من أمي.. يعني من جدتي
باعته؟.. أمي باعت الخاتم اللي فاضل لها من أمها عشان تشيلي 1500 دولار في ظرف؟
كملت
بعته قبل ما أدخل المستشفى آخر مرة.. الراجل في محل الدهب قالي يساوي 1500 بالظبط.. قلت له خده.. بس اديني فلوس جديدة.. عايزة أحطها في ظرف لبنتي
دموعي نزلت غصب عني على الورقة المصفرة
بس الفلوس مش هي الهدية يا حبيبتي.. الهدية هي الورقة التانية اللي ورا دي.. الورقة الصغيرة اللي قديمة ومصفرة.. دي اللي عايزاكي تشوفيها لما تبقي مزنوقة بجد.. مش عشان الفلوس.. عشان تفتكري
مديت إيدي جوه الظرف تاني.. كان فيه ورقة تانية قديمة أوي مصفرة ومقطعة من الجنب.. ورقة كراسة قديمة
فتحتها
لقيتها ورقة أنا اللي كاتباها وأنا عندي 8 سنين
خط طفل صغير معوج
كان مكتوب
لما أكبر هجيب لماما بيت كبير ومش هخليها تشتغل كتير وهجيب لها خاتم كبير فيه فص أزرق كبير
وتحتها رسمة بيت صغير وجنبه واحدة ست لابسة فستان ورسمة خاتم كبير
أنا افتكرت اليوم ده.. كنا قاعدين في شقتنا الصغيرة الإيجار اللي كانت بتنقط ماية من السقف لما بتمطر.. وأمي كانت راجعة من الشغل تعبانة وبتحسب الفلوس على ترابيزة المطبخ والفواتير فوق بعضيها.. وأنا عندي 8 سنين شفتها بتعيط بالراحة وهي بتحسب
سألتها بتعيطي ليه يا ماما؟.. قالت مفيش يا حبيبتي بس الفلوس مش مكفية الشهر ده
دخلت أوضتي وجبت ورقة كراسة وكتبت لها الوعد ده ورسمت لها البيت والخاتم واديتهولها وقلت لها لما أكبر هجيب لك بيت كبير ومش هخليكي تشتغلي
وهي خدت الورقة وحضنتني وقالت لي أنا شايلاها وهفضل شايلاها لحد ما تجيبي لي البيت الكبير
كنت فاكرة انها رمتها.. كنت فاكرة انها نسيتها.. دي ورقة عيلة عندها 8 سنين
لقيتها شايلاها 22 سنة.. شايلاها في كيس بلاستيك جوه دولابها.. مصفرة ومقطعة من الجنب بس شايلاها
وكاتبة لي تحتها بخطها هي
بنتي وفت بوعدها.. جابت لي بيت كبير.. البيت اللي كانت بتيجي تقعد معايا فيه آخر 6 شهور وتساعدني في البيت وتاخدني للدكاترة وتفضل جنبي وأنا بضعف.. البيت ده كان بيتي الكبير.. مش بالحيطان.. بيكي انتي
أنا وقعت على الأرض في نص أوضتي والظرف واقع جنبي وال 1500 دولار واقعين على الأرض والورقتين في إيدي
الورقة اللي أنا كاتباها وأنا عندي 8