البلوزه الكحلي حصري لموقع لمحه

عندي 77 سنة، كنت لابسة ومتشيكة لعشا الساعة 7 بالليل بعد ما دفعت 93 ألف و 600 دولار من جيبي، عشان في الآخر تجيلي رسالة تانية منه انتي مش معزومة.. مراتي مش عايزاكي هناك فعلى الساعة 6 و دقيقة لغيت 174 دفعة كنت بدفعها
الساعة 6 و بعت لي رسالة يا أمي الترتيبات اتغيرت
قبل ما اقوم من على كرسي المطبخ جت رسالة تانية
انتي مش معزومة.. مراتي مش عايزاكي هناك
البلوزة الكحلي اللي كنت كوياها بعناية لسه فيها التنيات من المكواة.. السفرة مفروشة ومتوضبة وكنت طابعة لهم وعود على ورق أبيض نضيف
كنت فاكرة اني أم
والأمهات متعودة تدي الحب حتى لو هو بيترد لها تقيل
الأمهات مش المفروض تعلي صوتها
الأمهات مش المفروض تطلب مكان
ضحكت ساعتها
ضحكة واطية ومكتومة.. الضحكة اللي الستات بتضحكها لما بتحاول سنين طويلة ما تبقاش حمل على حد
إيدي كانت على الكرسي.. الخشب متاكل من كتر ما إيدي لمسته.. قمت فتحت الصندوق القديم بتاعي
جواه كان فيه ملف مكتوب عليه بخط إيدي ابني
الملف ده فيه سنين من الدفع
دفعات تأمين
مساعدة في قروض البيت
اشتراكات نادي
تحويلات طوارئ بقت شهرية
2800 دولار لمصاريف الحضانة
6400 دولار لتوضيب البيت اللي مراته قالت عليه مؤقت
الورق القديم ليه ريحة مميزة.. ريحة تراب وحبر وحزن متشال بقاله كتير
فضلت باصة للأربع كلمات لحد ما عيني وجعتني
جات لي رسالة يا تيتا انتي جاية؟
رديت لأ يا حبيبتي.. بحبك
وبعدين مسكت التليفون
متصلتش بابني
متصلتش بمراته
وأكيد مطلبتش كرسي على سفرة أنا اللي كنت بدفع تمنها بقالها سنين
لما كلمت البنك صوتي كان ثابت
سألتني الموظفة عايزة تلغي أنهي دفعات يا فندم؟
قلت لها كلهم
وبعت له آخر رسالة من دلوقتي انت ومراتك تقدروا تبدأوا تدفعوا طريقكم لوحدكم
حطيت إيدي على المكتب.. عروقي باينة تحت الجلد.. دبلة جوازي واسعة على صبعي
الموظفة قالت لي بهدوء حضرتك متأكدة؟
قلت لها أيوه
طبعت 8 صفحات دفعات
رهن عقاري
تأمين
فواتير نور ومية
اشتراكات
حتى حسابه هو ناسيه
174 دفعة شهرية متكررة
قفلت الباب اللي كان مفتوح بقاله 15 سنة بقلم
روحت البيت عملت شاي في أحلى كوباية عندي
مش الكوباية المكسورة اللي كنت بستعملها عشان كنت فاكرة الحاجات الحلوة لازم تتشال للضيوف
الساعة 11 و دقيقة بالظبط أول دفعة اترفضت
وبعدها واحدة تانية
وواحدة تانية
بعدها بشوية سمعت صوت عربية بتفرمل على التلج
شديت الستارة
مراته نزلت الأول لابسة جاكت كريمي نضيف وبوقها مقفول
بس الشخص التالت اللي نزل من العربية
هو اللي خلاني أحط كوباية الشاي بالراحة على الترابيزة
الشخص التالت اللي نزل من العربية هو اللي خلاني أحط كوباية الشاي بالراحة على الترابيزة
مكنش ابني
كانت بنتي
بنتي اللي مسافرة بقالها 9 سنين في كندا ومشفتها من ساعة ما اتجوزت وقالت لي يا ماما انا مش هقدر اعيش في جو ان اخويا واخد كل حاجة وانتي بتدي له كل حاجة وانا بتفرج
بنتي اللي قفلت معايا السنة اللي فاتت لما قلت لها معلش يا بنتي اخوكي عنده بيت وعيال ومحتاج
نزلت من العربية لابسة جاكت اسود طويل وشعرها قصته.. وفضلت واقفة ورا مرات اخوها وابنها اللي هو ابني
مرات ابني خبطت على الباب جامد
طبعا مردتش.. قعدت أشرب الشاي في أحلى كوباية
الخبط بقى أقوى.. وبعدين سمعت صوت بنتي بتقول يا ماما افتحي أنا بنتك
قمت فتحت
مرات ابني أول ما شافتني قالت انتي عملتي ايه؟.. كل الكروت اترفضت.. كارت الماركت اترفض وكارت البنزين اترفض وقسط المدرسة اترفض
بصيت لها من فوق لتحت.. نفس الست اللي بعتت لجوزها يقول لي مراتي مش عايزاكي هناك
قلت لها أيوه.. لغيتهم
قالت ليه؟.. احنا عندنا عشا مهم النهاردة لناس مهمة وانتي بوظتي كل حاجة
قلت لها عشا مهم وانا مش معزومة فيه؟.. طب ما تدفعيه انتي يا حبيبتي
ابني واقف وراها مش قادر يبص في عيني
قلت له ادخل يا حبيبي.. انت لسه واقف على الباب ليه؟.. ده بيتك برضه.. ولا نسيت انك قلت لمراتك تقول لي انتي مش معزومة؟
دخل وهو موطي راسه
بنتي دخلت وراه وحضنتني
قالت لي أنا جيت أول ما الحفيدة كلمتني.. قالت لي تيتا بتعيط
بصيت على مرات ابني.. قلت لها حفيدتي كلمت خالتها.. مش كلمتك انتي
سكتت
قعدوا في الصالة.. الصالة اللي كل حتة فيها أنا اللي دفعاها.. الكنبة اللي أنا اللي دفعاها.. التليفزيون اللي أنا اللي دفعاه.. حتى النجفة اللي فوقهم أنا اللي كنت مقسطة تمنها على 12 شهر
بنتي قالت ماما احكي لي ايه اللي حصل
حكيت.. حكيت من أول ما لبست البلوزة الكحلي وكويتها عشان عشا الساعة 7.. لحد رسالة الساعة 6 و الترتيبات اتغيرت.. لحد الرسالة التانية انتي مش معزومة مراتي مش عايزاكي
ابني قاطعني وقال أنا مكنتش عايز أقول كده.. هي اللي..
شاور على مراته
مراته قالت أيوه أنا اللي قلت.. عشان كل مرة تيجي فيها بتحسسينا ان البيت ده بتاعك وانك صاحبة فضل علينا
ضحكت.. نفس الضحكة الواطية المكتومة بتاعة الست اللي بتحاول ما تبقاش حمل
قلت لها هو مش بتاعي؟.. هو انتي دفعتي فيه جنيه؟.. ده حتى الدهان اللي على الحيطة دي أنا اللي دفعاه لما قلتي عايزة أغير لون الريسبشن عشان يليق على السفرة الجديدة اللي أنا برضه اللي دفعتها
سكتت
طلعت الملف.. ملف ابني.. فتحته على الترابيزة.. 8 صفحات
قلت لهم تعالوا نحسب.. 93 ألف و 600 دولار.. ده غير الفوايد.. ده غير اني كنت بدفع قسط العربية بتاعتك يا ابني لما قلت مزنوق.. وبدفع تأمين البيت.. وبدفع اشتراك