قصة منقولة عن لمياء شاهين
ازاي حياتي كلها كانت هتدمر بسبب بنت أخت مراتي؟؟
يقول صاحب القصة:
في يوم تليفوني رن.. رديت عادي وسمعت صوت أخت مراتي بتصوت جامد جدًا لدرجة إني كنت مضطر أبعد التليفون عن ودني.. وبتقول "البوليس جاي يقبض عليك.. بنتي حكت لي اللي انت عملته فيها"
كنت واقف ف مطبخي.. لسه لابس البيجاما.. بحاول أفهم اللي بيحصل.. قولت لها "بتقولي ايه؟"..
بس هي كملت صريخ وقالت إن بنتها اللي عندها 16 سنه.. بنت أخت مراتي.. موجوده دلوقتي في قسم البوليس وبتقولهم اني ازاي اتح.رشت بيها في المطعم.. وقت ما كنا كلنا متجمعين في عشا الأسرة كلها من 3 ساعات بس..
مقدرتش امسك مج القهوة بتاعي وسألتها "ايه؟؟"
اخت مراتي بدأت تحكي تفاصيل دقيقة جدًا وتهددني إنها بتخطط تق.تلني.. ف قفلت ف وشها واتصلت بمراتي.. تليفونها كان مقفول.. ف اتصلت بالمحامي بتاعي.. وهو كمان مردش.. سيبت للاتنين رسايل صوتية بشرح لهم فيها كل اللي حصل وانا عامل زي الفرخة الدايخة عمال ألف حوالين نفسي..
فجأة سمعت عربية بتقف قدام البيت.. كانت عربية أخت مراتي... يعني هي هنا عشان تنفذ تهديدها وتق.تلني على حاجة معملتهاش..
كنت ببعت رسايل لأي حد كان في العشا معانا بطلب منهم يأكدوا إني مقمتش من مكاني لما سمعت صوت خبط عالي على باب بيتي..
لما فتحت كان في 2 ظباط شرطة واقفين قدامي.. وقبل ما أقدر اشرح أي حاجة.. الظابط الطويل
جاري اللي ساكن ف وشي كان بيصور كل اللي بيحصل بتليفونه وهو لابس روب الحمام وكأنه بيغطي أخبار عاجلة..
دفعت الكفالة لنفسي الساعة 3 الصبح بعد تحقيق طويل.. وكان بالفعل في أمر بعدم التعرض صدر ضدي لصالح بنت أخت مراتي.. وده معناه إني مش هقدر أروح بيتي لأن مراتي بعتت لي رسالة كتبت لي فيها "اختي وبنتها عندي ف البيت.. انا عايزه اعرف اللي حصل كله".. حاولت اتصل بمراتي مردتش عليا..
الساعة 9 الصبح الأتش أر ف الشغل اتصلوا بيا يقولوا لي إني اعتبر نفسي ف أجازة إجباري عشان أخت مراتي بنفسها اتصلت بمديري وقالت له إني أذيت بنتها..
أنا بخسر كل حاجة بنيتها خلال ال15 سنه اللي فاتوا.. لأن بنت مراهقة بتكذب..
جلسة الاستماع ف المحكمة كانت مليانة ناس.. مراتي واختها وعيلتهم كلها قاعدين كلهم ورا البنت وكأنهم كلهم بيحكموا عليا وبيدعموها..
البنت طلعت على المنصة عشان تحكي اللي حصل.. كانت بتعيط.. بتوصف ازاي حاصرتها ف الحمام وقت العشا وعيلتها كلها بره.. وازاي لمستها.. وازاي همست ف ودنها إنها أحسن لها تفضل ساكته ومتقولش لحد..
شهادتها كانت محدده جدًا.. قالت نوع البرفان بتاعي.. نوع وشكل القميص اللي كنت لابسه.. الكلام اللي المفروض قولته.. لدرجة إن حتى المحامي بتاعي ميل عليا وهمس ف ودني "انت متأكد تمامًا إنك ماكنتش لوحدك معاها
مراتي شهدت إنها مشافتش أي حاجة.. بس قالت "بنت اختي مش ممكن تكدب ف حاجة بالأهمية دي.. انا عارفاها" كانت بتتكلم باقتناع تام.. كنت عايز أصرخ.. أكتر من حد ف العيلة شهدوا إني كنت متوتر وعرقان وقت العشا.. وحماتي قالت إنها أخدت بالها إني كنت مركز مع البنت وقت العشا..
المعالج النفسي بتاع البنت طلع شهد وهو بيوصف أعراض التروما اللي اتعرضت لها البنت.. وازاي الأعراض دي متناسبة تمامًا مع الاعتداء اللي حصل.. القاضي حكم إن القضية تستمر ورفع قيمة الكفالة بتاعتي..
بس فجأة المحامي بتاعي يوصل له إيميل.. بص عليه وعينيه وسعت وقال "محتاجين نتكلم.. حالًا"
الميل اللي وصل ده كان عبارة عن تسجيلات كاميرا المراقبة من المطعم.. التسجيلات كان واضح فيها الوقت بالدقيقة والثانية في كل الزوايا..
وف نفس الوقت اللي البنت قالت فيه إني اتح.رشت بيها.. أنا كنت قاعد على الترابيزة باكل عيش..
بس التسجيل الأهم كان من الممر اللي قدام الحمام.. واللي إدارة المطعم بعتته برده.. تحديدًا الساعة 8 و 52 دقيقة.. وكان فيه البنت واقفه لوحدها تماما..
المحامي ساعتها وراني حاجة تانية.. الساعة 8 و 42 دقيقة.. البنت كانت ف الممر اللي قدام الحمام.. بتتكلم في تليفونها.. لحسن الحظ إن المطعم كان مطور نظام المراقبة بالصوت والصورة مش الصورة
البنت كانت بتقول "تمام.. انا هقول إنه حاصرني هنا.. استني.. انت قولت لي اسم البرفان بتاعه ايه؟؟ بص ابعت لي اسمه ف رساله عشان منساهوش"
المحامي قدم التسجيلات وأخد اذن إنه يتم مراجعة سجلات التليفون بتاع البنت عشان يعرفوا مين بقى شريكها ف كل اللي حصل..
اتضح إن شريكها هو حبيبها.. مراتي كانت اكتشفت إنه مسجل خطر وعنده أكتر بلاغ ضده من كام أسبوع.. وبلغت أختها.. ومن ساعتها اختها منعت بنتها تمامًا إنها تشوفه..
ف المحكمة وأثناء ما المحامي كان بيكشف كل ده والحضور بيشوفوا التسجيلات بتاعة الكاميرا.. لو كنت رميت الأبره كانت هترن..
مراتي مقدرتش تقف على رجليها وسندت على الحيطة.. وهي مش قادرة تاخد نفسها..
اختها شدت دراع بنتها وزعقت "ايه اللي يخليكي تكذبي ف حاجة زي دي؟"
البنت لفت وبصت لمراتي وزعقت "انتي دمرتي حياتي الأول لما خلتيها تمنعني أشوف حب حياتي"
وكأن ده مبرر يخليها تدخلني السجن 20 سنه.. القاضي أداني براءة ف كل التهم اللي اتوجهت لي.. بس وانا ماشي مراتي جريت ورايا وقالت "انا اسفه جدًا.. كان المفروض اصدقك انت.. انا ماكنتش أعرف"
معرفتش أقولها ايه.. فضلت باصص لها وكأنها واحده غريبة تمامًا عليا.. لأنها بقت كده فعلًا.. وقولت لها "احنا خلاص.. انتهينا"...
ف نفس اليوم قدمت ورق الطلاق ف المحكمة.
