العاقله حصري لموقع لمحه
العاقلة اللي بتعرف تقول لا
مرة أكتب لو أنا مش مبسوطة مش معناها انك انتي كمان متتبسطيش
مرة أكتب 18 سنة سكوت كفاية
الناس بقت تصور الكوبايات وتنزلها
وواحدة ست كبيرة جت في يوم وقالت لي أنا عندي بنتين.. واحدة حساسة وواحدة عاقلة.. كنت بعمل زي أهلك بالظبط.. بدي الحساسة كل حاجة عشان تسكت والعاقلة بديها أقل عشان هتستحمل.. بعد ما قريت الجملة اللي على الكوباية روحت صالحت بنتي العاقلة
ساعتها عرفت ان الحفلة اللي اتلغت مكنتش خسارة.. كانت مكسب
لو الحفلة كانت اتعملت في ميعادها كنت هلبس الفستان الأزرق وآكل التورتة وأروح.. وكنت هفضل العاقلة اللي بتستحمل 18 سنة كمان
إنما لما اتلغت.. لميت شنطة ضهر واحدة وسبت المفاتيح على المخدة ومشيت.. واتعلمت أقول لا
وبعد سنة.. في نفس اليوم.. يوم عيد ميلادي التسعتاشر.. عملت حفلة تانية في نفس الكشك جنب النهر
لبست نفس الفستان الأزرق ونفس الجزمة ونفس الحلق اللولي
بس المرة دي أنا اللي كنت بدفع تمن القاعة.. قصدي تمن الكشك.. كله من شغلي
وعزمت نفس الناس.. صحابي بتوع القهوة والزباين اللي بيحبوني
وماما جت وبابا جه وأختي جت.. بس المرة دي أختي هي اللي عملت القهوة للضيوف كلهم
وقفت ورا الكشك وقالت النهاردة عيد ميلاد أختي الصغيرة اللي علمتني ان العاقلة مش اللي بتستحمل.. العاقلة اللي بتعرف تقول لا.. وكل سنة وانتي طيبة يا عاقلة
والناس كلها سقفت
وأنا بصيت للنهر.. نفس النهر اللي كنت هعمل جنبه حفلة تمنتاشر واتلغت.. وقلت في سري.. شكرا انكم لغيتوا الحفلة.. لولاكم مكنتش هبقى هنا دلوقتي.. مكنتش هفتح كشك واسميه العاقلة واكتب على الكوبايات العاقلة اللي بتعرف تقول لا
ومن يومها بقيت كل بنت تيجي الكشك وتقولي أهلي بيقولوا عليا العاقلة اللي بتستحمل.. أديها كوباية مكتوب عليها انتي مش هتستحملي تاني.. انتي هتقولي لا
