أرض بور ما بتطرحش حصري لموقع لمحه

زي الفل.. والمشكلة عنده هو
مرات طليقي الجديدة حطت إيديها على بطنها اللي حامل في السادس ووشها اصفر
قلت لها متقلقيش.. اللي في بطنك مش ابنه.. هو عمل حقن مجهري باسمك بس الحيوان المنوي مش بتاعه.. بتاع متبرع.. وهو عارف وموافق عشان يداري على نفسه قدام أمه
حماتي قعدت على الكرسي اللي في الطرقة
قالت انت بتكدبي
طلعت من شنطتي ظرف.. نفس الظرف اللي كنت شايلاه من يوم ما عرفت الحقيقة ومردتش أطلعه عشان كنت مستنية اللحظة دي
ظرف فيه تحليلين.. تحليل بتاعي سليم 100 وتحليل بتاع ابنها بيقول صفر
رميته على حجرها
قلت لها أنا مش أرض بور.. ابنك هو الأرض البور.. بس الفرق اني زرعت زرعة مش من أرضي ورويتها وكبرت.. زرعة ربنا بعتها لي عشان يقول لي ان العيب مش في الأرض العيب في اللي بيزرع
بنتي صحيت في اللحظة دي وبدأت تعيط.. شلتها وطبطبت عليها واديتها الببرونة
حماتي كانت بتعيط.. مش عشان ابنها.. عشان منظره قدام مراته الجديدة
مرات طليقي الجديدة قالت لي انتي متأكدة؟
قلت لها روحي اسألي الدكتور اللي عمل لك الحقن.. اسأليه الحيوان المنوي بتاع مين.. هو واخد فلوس من طليقي عشان يسكت.. بس أنا معايا تسجيل
طلعت الموبايل وشغلت التسجيل.. صوت طليقي وهو بيقول للدكتور أهم حاجة أمي متعرفش ان المشكلة مني.. قول ان المشكلة منها.. أنا هدفع اللي انت عايزه
التسجيل ده كنت واخداه من ممرضة صاحبتشي في المركز اللي كنا بنتابع فيه
حماتي سمعت صوت ابنها وهو بيقول كده وقامت وقفت
قالت يا لهوي.. يعني انت ظلمت البت دي 3 سنين وانت عارف ان العيب منك؟
مردتش عليها.. كنت ببص لبنتي وهي بترضع
قلت لها أنا مش عايزة منكم حاجة.. لا فلوس ولا اعتذار.. أنا عايزة تسيبوني في حالي أنا وبنتي.. بنتي اللي لقيتها في الشارع وكبرتها وبقت بتقول لي يا ماما
ومشيت وسيبتهم قاعدين في طرقة العيادة.. الشنطة الماركة واقعة على الأرض والظرف على حجر حماتي والتسجيل لسه شغال
بعدها بأسبوع طليقي كلمني.. أول مرة يكلمني من يوم ما قال زهقت أضيع حياتي جنب جذور عاجل
قال لي انتي فضحتيني
قلت له أنا مفضحتكش.. انت اللي فضحت نفسك لما كذبت على اتنين ستات.. واحدة قلت لها انتي بور والتانية فهمتها ان اللي في بطنها ابنك وهو مش ابنك
قال لي مراتي سابتني
قلت له عشان كذبت عليها.. زي ما كذبت عليا 3 سنين
قال لي طب والبنت اللي معاكي دي؟
قلت له دي بنتي.. بنتي اللي ربنا بعتها لي بعد ما انت قلت عليا أرض بور.. عشان يثبت لك ان الأرض عمرها ما كانت بور.. الأرض كانت مستنياك تمشي عشان تطرح
وقفلت في وشه
وبعدها بشهر إجراءات التبني خلصت.. وبقت بنتي رسمي باسمي.. طلعت لها شهادة ميلاد مكتوب فيها اسم الأم أنا
يوم ما استلمت الشهادة روحت المقابر زرت أبويا.. قلت له يا بابا فاكر لما كنت بتقول لي يا أرض طيبة؟.. أهو طلع عندك حق.. أنا طرحت.. بس مش من زرعة قديمة.. من زرعة جديدة ربنا زرعها في قلبي
والنهاردة بنتي عندها سنة وشهرين.. بتجري في الشقة وتقول ماما وتشد شعري
وحماتي السابقة بعتت لي رسالة من رقم غريب قالت سامحيني أنا كنت فاكرة ان العيب منك.. ابني هو اللي فهمني كده
مرديتش
عشان فيه ناس لما بتقول على واحدة أرض بور بيبقوا هما البور بجد.. بور في ضميرهم وبور في كذبهم وبور في قلوبهم
وأنا أرضي طرحت.. طرحت بنت زي القمر بتقول لي كل يوم الصبح لما تصحى ماما
ودي أحلى زرعة في الدنيا
مردتش على رسالتها
عشان فيه كلام لو اترد عليه يبقى ليه قيمة .. وهي كلمة ارض بور دي مكنش ليها قيمة من اول يوم
بس اللي حصل بعد رسالتها ده اللي محدش يتوقعه
بعد ما اجراءات التبني خلصت وبنتي بقت باسمي رسمي بشهادة ميلاد عليها اسمي انا بس كأم .. حياتي بقت عبارة عن ببرونات وتطعيمات وشغل في العيادة وريحة لبن على هدومي طول اليوم
كنت مبسوطة .. اول مرة من 3 سنين جواز و 6 شهور انفصال ابقى مبسوطة بجد من غير ما امثل اني مبسوطة
لحد ما في يوم جت العيادة ست .. نفس الست اللي كانت حامل في السادس ومرات طليقي الجديدة
جت لوحدها من غير حماتي ومن غير طليقي .. بطنها بقت كبيرة .. في التامن .. ووشها اصفر وخاسه النص
دخلت العيادة وشافتني وفضلت واقفة على الباب
قالت لي ممكن اتكلم معاكي دقيقة؟
قلت لها اتفضلي .. دخلتها اوضة الكشف الفاضية
قعدت وبدأت تعيط .. تعيط جامد قوي كأنها كانت شايلة العياط ده بقالها شهور
قالت هو سابني
قلت لها مين؟
قالت جوزي .. بعد ما انتي وريتي حماتي التحاليل والتسجيل .. حماتي راحت واجهته .. قال لها اه المشكلة مني بس انا عملت كده عشان بحبك ومش عايزك تتصدمي فيا .. حماتي قالت له يعني كنت هتظلم بنت الناس معاك 3 سنين وتفهمها انها هي اللي بايظة؟ .. وهو قال لها انا كنت خايف
سكتت شوية وكملت انا بقى لما عرفت ان اللي في بطني مش ابنه وان الحيوان المنوي بتاع متبرع وهو مخبي عليا .. مقدرتش استحمل .. حسيت اني متباعة .. انه اشتراني عشان يداري على نفسه قدام امه وقدام الناس .. انه حتى ابني