قهوه بلبن زياده حصري لموقع لمحه

مش لوحدك
قالت بس احنا.. احنا كنا..
قلت لها احنا كنا ايه؟.. كنا بنحاول نلاقي حد من ريحتنا.. انتي كنتي بتدوري على أخوكي الكبير اللي كان بيشيلك وانا كنت بدور على البيت القديم اللي كنت بشرب فيه قهوة بلبن زيادة عند جارتنا
بصت لي وقالت يعني انت مش زعلان مني؟
قلت لها أنا زعلان انك شلتي ده لوحدك 3 أسابيع.. من أول قعدة قهوة لحد عيد ميلادك وانتي شايلة الصورة في تليفونك ومش عارفة تقولي
قالت كنت كل يوم بفتح الصورة وأبص عليها وأقول يا ترى لو قلت له هيعمل ايه؟.. هيسبني؟.. هيقول عليا كدابة؟
قلت لها أنا عمري ما هسيب أختي الصغيرة اللي كنت بلف بيها الشقة
الكلمة دي خلتها تعيط أكتر.. بس المرة دي عياط تاني.. عياط واحدة لقت أخوها بعد 15 سنة
قامت حضنتني.. حضن أخوات مش حضن اتنين مرتبطين
قالت أنا كنت فاكرة اني وقعت في حبك
قلت لها وانتي وقعتي في حب ايه؟.. وقعتي في حب الولد اللي كان بيشيلك وانتي عندك 3 سنين.. وانا وقعت في حب البنت الصغيرة اللي كانت بتلعب على الأرض وأنا بذاكر.. احنا الاتنين وقعنا في حب ذكرى مش في حب بعض كاتنين كبار
سكتت شوية وقالت طب هنعمل ايه دلوقتي؟
قلت لها دلوقتي هنعمل اللي كان المفروض نعمله من 15 سنة.. هتبقي أختي الصغيرة وأبقى أخوكي الكبير.. والبوكس بتاع عيد ميلادك ده هيبقى هدية أخوكي لأخته مش هدية واحد لواحدة
ضحكت وسط العياط وقالت بس البوكس كان حلو قوي
قلت لها عشان أخوكي ذوقه حلو.. مش زي ما كنتي فاكرة
قعدنا طول الليل نحكي.. حكيت لها عن البيت القديم وعن أمها كانت بتعمل ايه وعن القهوة بلبن زيادة
وهي حكت لي عن أمها قبل ما تموت كانت بتقول ايه وكانت شايلة الصورة ازاي في المحفظة وكل ما حد يسألها مين الولد ده تقول ده ابنها التاني
وفي الآخر قالت لي ماما قبل ما تموت قالت لي حاجة غريبة قوي
قلت لها قالت ايه؟
قالت قالت لي لو شفتي الولد الشقي ده في يوم من الأيام.. قوليله انه نسي كراسته عندنا.. كراسة الرسم اللي كان بيرسم فيها بيت وجنبه شجرة كبيرة
افتكرت.. أنا فعلا كنت برسم بيت وجنبه شجرة كبيرة وكنت بقول لأمها ده بيتنا لما أكبر هبنيه وانتوا هتيجوا تعيشوا معايا
قالت الكراسة لسه عندي.. في الدولاب.. ماما شايلاها من ساعتها
قلت لها بجد؟
قالت آه.. وكل رسمة فيها كنت ببص عليها وأقول يا ترى الولد ده بقى فين دلوقتي؟
تاني يوم رحنا بيتها القديم.. البيت اللي كنت بروحه وأنا عندي 8 سنين.. البيت لسه زي ما هو.. نفس الريحة.. نفس السجادة
فتحت الدولاب وطلعت كراسة رسم قديمة.. ورقها أصفر.. ومكتوب عليها بخط طفل بيت أحمد وشجرة كبيرة
فتحتها.. لقيت رسمة بيت وجنبه شجرة وعيلة صغيرة.. ولد كبير ماسك إيد بنت صغيرة
تحت الرسمة كنت كاتب أنا وأختي
بصيت لها وقلت أنا كنت كاتب انك أختي من وانا عندي 8 سنين.. وانتي كنتي خايفة تقولي لي انك أختي وانتي عندك 20
حضنتني وقالت من النهاردة انت أخويا بجد
ومن يومها بقت أختي.. بقت تيجي تفطر معايا كل جمعة وتقول لي اعملي قهوة بلبن زيادة زي بتاعة ماما
وأنا بقيت أروح لها لما تبقى مضايقة وأقول لها فاكرة لما كنتي بتلعبي على الأرض وأنا بذاكر وكنتي بتشدي الكراسة مني؟
بقت تقول لكل صحابها ده أخويا الكبير.. اللي شالني وأنا عندي 3 سنين.. اللي كنت فاكرة اني واقعة في حبه وطلع أخويا
وأنا بقيت أقول لكل صحابي دي أختي الصغيرة.. اللي ضاعت مني 15 سنة ولقيتها على تيندر
والصورة اللي كانت سبب ان تليفونها يقع على الأرض؟.. بروازتها وحطيتها في الصالة عندي
صورة ولد عنده 8 سنين شايل بنت عندها 3 سنين وبيلف بيها الشقة
وتحتها كتبت بخط كبير
اللي كنت فاكره حب.. طلع أخوة.. واللي كنت فاكره فرق سن.. طلع عمر كامل بندور على بعض
وكل ما حد يدخل البيت ويسألني مين دول؟.. أقول له دي أختي.. اللي لقيتها بعد ما كنت فاكر اني واقع في حبها.. وطلع الحب الحقيقي انك تلاقي أهلك بعد ما كنت فاكرهم ضاعوا
ومن يومها بقت أختي
مش كلام وخلاص.. بقت أختي بجد
بقت بتيجي كل جمعة الصبح بدري تخبط على الباب وتقول قوم اعملي قهوة بلبن زيادة زي بتاعة ماما الله يرحمها
وأنا بقيت عامل لها مفتاح للشقة.. مفتاح حطيته في نفس الميدالية اللي فيها مفتاح عربيتي
أول جمعة جت بعد ما عرفنا الحقيقة.. جابت الكراسة القديمة.. الكراسة اللي ورقها أصفر ومكتوب عليها بيت وشجرة كبيرة
قعدنا على الأرض في الصالة زي ما كنا بنقعد زمان.. هي عندها 20 سنة وأنا أكبر منها بكتير بس قعدنا على الأرض
فتحنا الكراسة صفحة صفحة
كل رسمة كنت راسمها وأنا عندي 8 سنين كنت كاتب تحتها شرح
رسمة بيت وجنبه عربية قلت ده بيتنا لما أكبر
رسمة واحدة ست كبيرة واقفة في المطبخ كاتب طنط اللي بتعمل قهوة بلبن
رسمة بنت صغيرة شعرها منكوش كاتب أختي الصغيرة اللي بتشد الكراسة مني
بصت للرسمة الأخيرة وضحكت وقالت أنا كنت بشد الكراسة منك بجد؟
قلت لها كنتي بتقطعيها.. مرة قطعتي رسمة كنت بقالي ساعتين برسمها.. قعدت أعيط وانتي قعدتي تعيطي جنبي عشان أنا بعيط.. فطنط جت قالت لي معلش دي