٥٠ لتر اللي فضحوا جاري حصري لموقع لمحه
جاري كان كل شوية يسرق بنزين من عربيتي النص نقل القديمة.. وحجته اني راجل على المعاش وقاعد في البيت طول اليوم ومش محتاجها اصلا.. ف في الاخر قررت امسح الضحكة السمجة دي من على وشه.. انا عندي سبعين سنة.. ارمل وعايش لوحدي في منطقة هادية
ولسه بسوق نفس العربية النص نقل اللي شاريها من التسعينات
لونها باهت
ومخبطة شوية
وممكن متساويش حاجة عند اي حد تاني
بس بالنسبالي العربية دي شايلة ذكريات سنين طويلة
وعشان كده انا عارفها كويس وعارف بتستهلك بنزين قد ايه كل اسبوع
وده السبب اللي خلاني اخد بالي على طول ان في حاجة مش مظبوطة
من كام اسبوع فولت التانك على الاخر
روحت مشوار صغير قريب ورجعت.. ومركبتش العربية لمدة تلات ايام بعدها
ولما رجعت اسوق تاني بصيت على مؤشر البنزين
لقيت نص التانك تقريبا فاضي
فضلت متنح
مستحيل
ده انا مروحتش في حتة
في الاول افتكرت اني ناسي
بس نفس الحاجة حصلت الاسبوع اللي بعده
المرة دي اتأكدت ان في حاجة غلط
العربية قديمة ف اول حاجة جت في بالي ان في تسريب بنزين
وديتها للميكانيكي على طول
قلتله شيك على كل حاجة.. في حاجة بتفضي التانك
بص على دورة البنزين كلها
التانك
الخراطيم
الوصلات
كل حاجة
وبعدين كلمني
قالي مفيش اي حاجة في عربيتك
قلتله مفيش تسريب؟
قالي ولا نقطة
وده خلاني مش فاهم اي حاجة
البنزين مش هيختفي لوحده
ف ركبت كاميرا مراقبة صغيرة باصة على المدخل بتاع بيتي
مكنتش متوقع اشوف حاجة بصراحة
بس تاني يوم الصبح بصيت على التسجيل
وكنت هوقع التليفون من ايدي
كان جاري
داخل عندي في حوش بيتي في نص الليل
وطى جنب عربيتي النص نقل
فتح غطا التانك
طلع خرطوم
وشفط بنزين في جركن وخده وروح بيته
ف عرفت بقى البنزين اللي ناقص ده كان بيروح فين
مستنتش
مشيت على طول وخبطت على باب جاري
فتحلي وهو ولا كأنه عامل حاجة
قلتله انت بتاخد بنزين من عربيتي؟
ملامحه اتغيرت ثانية
وبعدين ضحك
ضحك بجد
قالي اه ساعات باخد شوية
بصتله
شوية؟
هز كتفه
انت شفت اسعار البنزين بقت كام دلوقتي؟
وبعدين قال حاجة لحد دلوقتي مش مصدقها
انت على المعاش وقاعد في البيت معظم الوقت.. يدوبك بتستخدم العربية.. انا ورايا شغل وعيال بوصلها المدرسة واماكن لازم اروحها بجد
لثانية افتكرته بيهزر
مكنش بيهزر
قلتله اللي انت بتعمله ده سرقة
برم عينه
يا عم ده شوية بنزين
وبعدين هز راسه كأني انا اللي غلطان
انت بقيت طماع اوي.. احنا جيران.. والجيران المفروض تساعد بعض
ساعتها حاجة جوايا اتقطعت
مش بعنف
انا بس جبت اخري
جاري طول عمره كده
ومكنش محتاج ماديا يعني
عنده شغل كويس
وعربية حديثة
وبيطلع مصايف على طول
هو بس من النوع اللي فاكر حاجة غيره متاحة ليه في اي وقت هو عايزها
على مدار السنين كان بيستلف مني عدة
معدات جنينة
مشتركات كهربا
سلم
ونص الوقت كنت بفضل اطلبه كتير عشان يرجع حاجتي
وكنت بعديها بمزاجي عشان عايز اعيش في هدوء
بس انه يتسحب لبيتي في نص الليل دي حاجة تانية
كنت ممكن اكلم البوليس فورا
كان معايا الفيديو
واضح
بالتاريخ والوقت
ومفيش شك هو عمل ايه
بس قبل ما اكلمهم جت في بالي فكرة تانية
مكنتش عايز ابوظ حاجة
ولا عايز حد يتأذي
كنت عايز حاجة ابسط من كده بكتير
كنت عايزه يفهم السرقة بيبقى احساسها عامل ازاي لما كل الناس تشوف مين الحرامي
فعملت خطة
تاني يوم بالليل جاري راجع من شغله لقى حاجة مستنياه على عتبة بيته
خلينا نقول انها كانت مفاجأة خاصة جدا
وبعدها بثواني صرخ صرخة خلت نص الشارع يطلع بره
بيبان اتفتحت
ستاير اتحركت
الجيران طلعت على الجنينة بتاعتها
الناس بقت تسأل ايه اللي حصل
وبعدين شافوا ايه اللي محطوط على عتبة بيته
والاهم من ده فهموا ليه الحاجة دي محطوطة هناك
ملامح جاري اتغيرت في لحظة
الراجل اللي كان بيضحك في وشي اليوم اللي قبله.. فجأة واقف قدام جمهور
والمرة دي محدش كان بيضحك معاه
اللي كان مستنيه على عتبة بيته مكنش حاجة تأذي ولا حاجة تخرب.. انا راجل عندي سبعين سنة ومش بتاع مشاكل.. بس كنت عايز اخليه يحس بطعم الفضيحة اللي كان فاكر انه هيعملها في الضلمة ومحدش هيشوفه
اللي عملته اني روحت جبت اكبر جركن بنزين شفاف عندي.. مليته ماية عادية من الحنفية لحد اخره.. وحطيت عليه استيكر كبير ابيض كتبت عليه بخط كبير وواضح
بنزين هدية لجاري العزيز.. عشان هو شايف ان الراجل العجوز اللي على المعاش مش محتاج بنزين.. وان الشغل بتاعه اهم من عربيتي
وتحت الكلام ده طبعت اربع صور من فيديو الكاميرا
صورة وهو داخل حوش بيتي في نص الليل
وصورة وهو موطي جنب عربيتي
وصورة وهو حاطط الخرطوم في التانك
وصورة وهو شايل الجركن ومروح بيته
والصور بالوقت والتاريخ.. واضحة وضوح الشمس
وحطيت الجركن ده في نص عتبة بيته بالظبط.. عشان اول ما يفتح الباب يتكعبل فيه
ومشيت قعدت في البلكونة عندي.. مستني
جاري رجع من شغله الساعة 6 المغرب.. ركن عربيته الحديثة.. ونازل شايل شنطة شغله.. ومبسوط.. فتح باب الجنينة وداخل.. لقى الجركن قدامه
وقف.. بص للجركن.. قرا الكلام.. وشه جاب الوان
وبعدين شاف الصور
ساعتها صرخ
ايه القرف ده!
الصرخة دي هي اللي صحت الشارع كله
اصل شارعنا هادي اوي.. اي صوت عالي الناس كلها بتطلع تبص
اول واحدة طلعت الست اللي ساكنة قدامه.. اللي عندها ولدين صغيرين.. بصت وقالت في ايه؟
وبعدين الراجل اللي ساكن على يمينه طلع
وبعدين انا طلعت.. ومعايا اللابتوب بتاعي مفتوح على الفيديو
جاري شاف الناس بتتلم.. حاول يشيل الجركن بسرعة ويخبيه ورا ضهره
قلتله بصوت عالي سيبه يا ابني.. خلي الناس تشوف الهدية
الست اللي قدامه قربت وقرت الاستيكر بصوت عالي
بنزين هدية لجاري العزيز عشان هو شايف
