قالو للناس إني موت ٨ سنين حصري لموقع لمحه

بقالي 8 سنين اهلي بيطردوني من البيت كل مرة اخويا يجيب خطيبته واهلها عندنا.. امي كانت دايما بتقول نفس الجملة دول ناس محترمة.. متحرجيناش.. وابويا كان يدوبك يبصلي ويقول شوفيلك حتة تباتي فيها اليومين دول
ف كنت بمشي
كل مرة
لحد ما في مرة مشيت ومرجعتش تاني
وخدوا 4 سنين على ما عرفوا انا رحت فين
بقالي 8 سنين عايشة زي الشبح في بيتي
كل ما اهل خطيبة اخويا الاغنيا ييجوا يزورونا.. امي كانت لازم تخليني اختفي
كنت بلم شنطة قديمة بهدوء واطلع من الباب الجانبي واقضي الويك اند في اي موتيل رخيص او اي حتة الاقيها انام فيها
وكل ده عشان وانا عندي 18 سنة كنت بتعالج نفسيا فترة صغيرة
بالنسبة لاهلي دي كانت حاجة تكسف ولازم يداروها
امي كانت بتحاول تخلي الموضوع يبان الطف من حقيقته
كانت مرة قالتلي انا قلتلهم انك مديرة كبيرة وناجحة وعايشة في مدينة تانية بعيد.. كده اسهل
لسنين طويلة كنت بقنع نفسي انها صح
يمكن كدبة بيضا وخلاص
يمكن بتحاول تتجنب اسئلة محرجة
لحد ما في يوم خطيبة اخويا دخلت المشتل اللي انا شغالة فيه
مكنتش تعرف انا مين
ابتسمت بذوق وقالتلي ساعديني اختار شجرة حلوة بيضا
دي عشان ذكرى في الكنيسة.. عيلة خطيبي فقدوا حد غالي عليهم اوي
ايدي بدأت تترعش
وقفت هناك بلبس الشغل المبهدل ببص للست اللي هتبقى مرات اخويا قريب
كنت عايزة اقولها بكل قوتي
انا اخته
بس مقولتش
بدل كده اخترت احسن شجرة في الصوبة.. وكتبتلها ورقة التعليمات وعلقت التاج وساعدتها تاخدها وتمشي
كنت فاكرة ان الذكرى دي لحد قريبهم من بعيد
كنت غلطانة
بعدها بشهور.. كل حاجة كنت مصدقاها عن عيلتي انهارت في ليلة واحدة
كانوا برضه طارديني كالعادة عشان في تجمع عائلي
بس بعد ما مشيت افتكرت اني نسيت الدوا بتاعي على الكومودينو
فرجعت البيت متأخر بالليل
دخلت من الباب اللي ورا بهدوء.. على امل اخده من غير ما حد يحس بيا
وبعدين سمعت اصوات جنب اوضتي
وقفت
كانت حماة اخويا المستقبلية واقفة قدام باب اوضتي المقفول
وضامة ايديها كأنها بتدعي
وجنبها واقفة امي ماسكة منديل وعاملة نفسها بتعيط
قالت وهي بتمثل مش قادرة لحد دلوقتي افتح الباب.. سايباها زي ما هي
الست طبطبت عليها
انتي كنتي قوية اوي.. هي بتراقبكم من فوق دلوقتي
جسمي كله تلج
هي بتراقبكم
انا
محدش بيقف قدام اوضة حد يدعيله الا لو فاكره ميت
فضلت مستخبية لحد ما مشيوا
وبعدين طلعت في الطرقة
ركبي كانت بتترعش وانا بفتح اوضتي
الاوضة شكلها متلمستش
كتبي القديمة
عفشي وانا صغيرة
سريري مترتب بالظبط
مبقتش تبان انها اوضة حد عايش فيها
بقت عاملة زي المقام
وبعدين شفت الصورة اللي على الترابيزة
صورة شجرة بيضا
نفس الشجرة اللي ساعدت خطيبة اخويا تختارها
وتحت الصورة كان في لوح اسود من الجرانيت
قربت
وقريت الكلام اللي محفور عليه
في ذكرى بنتنا الغالية
1995 2014
نفسي اتقطع
امي مقالتلهومش اني عايشة بعيد
مقالتلهومش اني نقلت
هي قالتلهم اني مت
عيلتي كلها مسحتني من 8 سنين
حولوا تعبي النفسي لموت مزيف عشان امي تطلع بدور الام الحزينة وتداري البنت اللي مكسوفة منها
ومنتهى القسوة.. ان انا بنفسي اللي اخترت وعلقت التاج على الشجرة اللي مزروعة عشان ذكرى موتي انا
كنت متوقعة انهار
كنت متوقعة اعيط
بدل كده حاجة جوايا بقت تلج
هادية
وواضحة
دخلت اوضتي اللي حولوها لقبر
ومن فوق رف الدولاب نزلت علبة صفيح صغيرة فيها اهم ورق ليا
شهادة ميلادي
جواز سفري
ورقي كله
البنك
كل حاجة هحتاجها عشان ابدأ من جديد
حطيتهم في شنطتي
وبعدين بصيت على الاوضة اخر مرة
ولما طلعت الطرقة.. مقفلتش باب الاوضة ورايا
سيبته مفتوح على الاخر
وبعدين ولعت كل النور
الاباجورة
نور المكتب
كل حاجة
النور طالع من الاوضة ومنور الطرقة الضلمة
بكرة الصبح امي هتمشي ناحية الاوضة وهي مستنية تكمل دور الام الحزينة
بدل كده هتلاقي القبر مفتوح
والمقام متكركب
والبنت اللي دفنتوها وهي حية.. مشيت
المرة دي مكنتش ماشية عشان الويك اند
الشبح اخيرا هرب
سيبت الباب مفتوح والنور والع ومشيت.. منزلتش من الباب الجانبي زي كل مرة.. نزلت من الباب الرئيسي.. والشنطة على ضهري وفيها كل ورقي.. والدنيا كانت نص الليل
مشيت في الشارع وانا مش عارفة رايحة فين.. بس كنت عارفة اني مش هرجع تاني.. حتى لو هنام على الرصيف.. الرصيف ارحم من اني ابقى ميتة وانا حية في بيت اهلي
روحت على نفس الموتيل الرخيص اللي كنت بقضي فيه كل مرة بيطردوني.. الراجل اللي هناك عارفني.. قالي ايه رجعتي تاني؟ دول لسه عندكم؟
قلتله لا المرة دي انا اللي مش راجعة
دخلت الاوضة.. قفلت الباب.. وحطيت الشنطة على الارض وقعدت على السرير.. وفضلت باصة للحيطة لحد الصبح.. مكنتش بعيط.. كنت حاسة اني فاضية.. زي ما يكونوا سحبوا مني كل حاجة
الصبح موبايلي رن.. امي.. مردتش
رن تاني.. ابويا.. مردتش
رن تالت.. اخويا.. مردتش
وبعدين رسايل ورا بعض
امي انتي فين؟ انتي دخلتي اوضتك؟ انتي خدتي ايه من الاوضة؟
ابويا ارجعي البيت حالا
اخويا ماما منهارة.. فهميني ايه اللي حصل؟ انتي كنتي في البيت امبارح؟
مردتش على حد
قمت غسلت وشي وروحت الشغل في المشتل
المديرة شافتني قالتلي مالك؟ شكلك تعبان
قلتلها مفيش
بس طول اليوم ايدي بتترعش وانا بسقي الزرع
على الساعة 3 العصر لقيت اخويا داخل عليا المشتل
اول ما شفته اتخضيت
قالي ممكن نتكلم بره دقيقة؟
طلعت معاه.. كنا واقفين جنب صف الشجر
قالي ماما قالت انك دخلتي البيت امبارح وشفتي اللوح.. صح؟
قلتله اه
قالي انا معرفش اي حاجة عن الموضوع ده اقسم بالله.. انا كنت فاكرك فعلا عايشة في مدينة تانية ومش عايزة تيجي.. ماما قالتلي انك قطعتي علاقتك بينا عشان تعبك النفسي وانك مش عايزة حد يعرفك
ضحكت ضحكة من