طردني من بيته وانا لسه بولد حصري لموقع لمحه
المحتويات
عشان جوزي مش معايا يشوفها
المحامية كانت قاعدة جنبي.. مسكت ايدي وادتني جواب مقفول
قالتلي ده كان سايبهولك.. وقالي اديهولك لو حصل اي حاجة.. وقالي بالذات لو ابوكي حاول ياخد البيت
فتحت الجواب بخوف.. لقيت خط جوزي
كان كاتب
لو بتقري الجواب ده يبقى انا مش جنبك.. ولو ابوكي بيحاول ياخد البيت زي ما كنت خايف.. افتكري اني بنيت البيت ده عشانك انتي.. مش عشانه.. انا ضفت اسمك في العقد من اول ما حسيت انه بيبص للبيت كأنه بتاعه.. وعملت حساب امانة ليكي انتي والبيبي.. وعملت شرط في الشركة ان اسهمي تروح ليكي انتي وبس.. حتى لو حد زور ورق.. البنك هيجمد كل حاجة.. انتي مش لوحدك.. حتى وانا مش موجود
حضنت الجواب وبقيت اصرخ من العياط.. والممرضة خدت مني الجواب بالراحة عشان البيبي اللي جنبي
بعدها بيوم.. الباب خبط.. مين اللي داخل؟
ابويا ومراته
بس المرة دي مش داخلين يطردوني.. داخلين يترجوني
ابويا قال بنتك زي القمر.. شبهك
قلتله اطلع بره
مراته قالت احنا جايين نطمن عليكي.. و.. وموضوع البنك ده.. ممكن تكلميهم؟ اصل حساب ابوكي هو كمان اتجمد عشان التحويل اللي كان هيعمله مربوط بحسابك.. والبنك فاكر انه تزوير
بصتلها وانا مش مصدقة بجاحتها
قلتلها انتي كنتي واقفة تتفرجي عليا وانا باولد على البسطة.. وكنتي مبتسمة
سكتت
ابويا قعد على الكرسي جنبي وقال انا ابوكي.. كنت خايف عليكي.. قلت لوحدك مش هتعرفي تتصرفي.. قلت ابيع البيت واجيبلك شقة صغيرة والباقي اخليه معايا امانة ليكي
ضحكت ضحكة وجعتني في جرح العملية
قلتله امانة؟ زي الامانة اللي كنت هتاخدها بتوكيل مزور؟ يا بابا انت طردت بنتك الحامل في التامن من بيتها.. عشان مراتك اللي قد بنتك قالتلك البيت ده كبير علينا.. احنا اولى بيه
مراته اتكلمت بسرعة انا مقلتش كده
المحامية اللي كانت واقفة بره دخلت في اللحظة دي.. وقالت يا فندم بعد اذنك.. في محضر متحرر.. والنيابة عايزة اقوالك.. عشان التوكيل المزور اللي قدمته.. والافضل متتكلمش مع موكلتي غير في وجودي
ابويا وشه اصفر
قال محضر؟ بنتي هتحبس ابوها؟
قلتله بنتك انت رميتها تولد على البسطة.. ف متستغربش
مشيوا.. والمحامية قالتلي متقلقيش.. هو مش هيتحبس لو اتنازلتي.. بس القانون دلوقتي في صفك انتي.. البيت باسمك.. والحساب رجع.. والاسهم بتاعة الشركة كلها بقت باسمك انتي والبيبي.. الشركة اللي ابوكي كان شريك فيها مع جوزك.. دلوقتي بقت بتاعتك انتي.. يعني هو اللي محتاجك.. مش انتي اللي محتاجاه
بعد اسبوع خرجت من المستشفى.. روحت بيتي.. بيتي انا وبنتي.. غيرت الكالون.. وغيرت المفتاح الاحتياطي.. وجبت كلب كبير يقعد في الجنينة
وابويا؟ فضل 3 شهور حسابه مجمد.. وشركته واقفة.. عشان كل شغله كان معتمد على اسهم جوزي.. اللي بقت بتاعتي
جه يخبط عليا مرة.. قلتله من ورا الباب عايز ايه؟
قالي عايز اسامحك.. وعايز اشوف حفيدتي
قلتله المسامحة حاجة.. والبيت حاجة تانية.. حفيدتك هتشوفها لما تتعلم ان بيت بنتك مش ورث ليك.. ولما مراتك تتعلم انها لما تشوف واحدة بتولد.. تجري تسندها.. مش تقف تبتسم
مراته بعدها بكم شهر سابته.. لما عرفت ان مفيش بيت ولا فلوس هتاخدها.. رفعت عليه خلع.. ومشيت
وابويا دلوقتي بييجي كل جمعة.. يقعد في الجنينة.. مبدخلوش البيت غير لما انا اقوله ادخل.. يقعد يلعب مع بنته.. اللي بقت عندها سنة.. وبتقوله يا جدو
بس عمره ما دخل المطبخ تاني من غير ما يخبط.. وعمره ما فتح مكتب جوزي تاني
وانا كل يوم بالليل.. قبل ما انام.. ببص على بنتي وهي نايمة.. وببص على عقد البيت اللي متعلق على الحيطة.. اللي عليه اسمي واسم جوزي.. وبقول الحمد لله انه كان عامل حسابه.. وان اللي حصل على البسطة ده كان وجع ولادة.. مش وجع طردة.. عشان وجع الطردة كان هيفضل معايا العمر كله
بعد ما ابويا ومراته سابته ومشيت.. حياته اتقلبت.. الشركة اللي كان فاكر انه هيرجعها بسهولة.. طلعت كلها باسمي انا وبنتي.. والموظفين اللي كانوا بيقولوله يا باشا.. بقوا يقولولي انا يا هانم
انا مكنتش عايزة الشركة.. انا طول عمري بشتغل مدرسة.. مليش في البيزنس.. بس المحامية قالتلي جوزك تعب في الشركة دي 10 سنين.. لو سيبتيها هتقع.. ودي حق بنتك
ف بدأت اروح الشركة مرة في الاسبوع.. وانا شايلة بنتي على ايدي.. اعلمها تقول بابا.. وهي تقول جدو لابويا اللي قاعد في الريسبشن مستني الاذن يدخل
الموظفين كانوا بيبصولي باستغراب في الاول.. واحدة حامل وبقت ام.. وجاية تمسك شركة لوجيستيك كبيرة.. بس لما فتحت الدفاتر.. لقيت بلاوي
ابويا كان ساحب فلوس كتير من الشركة من غير ما يقول لجوزي.. وكان كاتبها سلف.. وجوزي كان ساكت عشاني.. عشان ميزعلنيش من ابويا
لما واجهت ابويا بالورق ده.. قعد يعيط
قالي كنت بجهز شقة لمراتي الجديدة.. كنت عايز ابينلها اني لسه اقدر
قلتله كنت بتسرق جوزي اللي كان بيأكلك عيش؟
سكت
قلتله عارف.. انا كنت ممكن احبسك بالورق ده.. وبالتوكيل المزور.. بس انا مش هعمل كده.. عشان بنتي متكبرش وتقول جدها في السجن بسبب امها.. بس من النهاردة انت مش شريك.. انت موظف.. وهتاخد مرتب.. ولو اشتغلت كويس هتفضل.. مشتغلتش همشيك
وافق.. غصب عنه وافق.. بقى ييجي كل يوم الساعة 8 الصبح.. يمضي حضور.. ويقعد في مكتب صغير.. مش المكتب الكبير اللي كان قاعد فيه مع جوزي
والشركة بدأت تقف على رجلها تاني.. وانا بقيت اتعلم.. اتعلم
متابعة القراءة
