أنا صاحبة الشركه حصري لموقع لمحه
مراته يوم فرحها
لو المشروع وقف يوقف
المحامي جاب العقد
مضيت قرار فصل
وبعت ايميل لكل الموظفين ان المدير التشغيلي مشي لأسباب شخصية وان انا هرجع امسك المنصب مؤقتا
بعد ساعة جوزي دخل مكتبي
قال انتي بجد هتمشيني
قلت له آه
قال طب وجوازنا
قلت له جوازنا خلص لما انت قلت لي وسعي شوية
كلمة وسعي شوية دي هي اللي خلصت كل حاجة
قال طب نبدأ من جديد
قلت له الجديد ان طليقتك لايقة عليك اكتر
روح اركبها جنبك ولف بيها
قال انتي قلبك اسود
قلت له لا قلبي كان ابيض وانت اللي وسخته يوم ما خليت واحدة تانية تقعد مكاني
خد حاجتك واطلع برا
مشي وهو ساكت
بعد اسبوع عرفت انه ساب شغله وراح اشتغل في شركة تانية صغيرة وطليقته سابته بعد شهر لما عرفت انه مبقاش مدير كبير
أما انا
فستان الفرح لسه عندي
معلق في الدولاب
مش عشان ازعل
عشان يفكرني اني في يوم لبست ابيض واخترت كرامتي
وان كلمة لا اللي قلتها وانا لابسة فستان ب 12 ألف دولار كانت اغلى كلمة قلتها في حياتي
وان الست لما تقول وسعي شوية لجوزها
جوزها كله بيضيق عليها
وانا قررت اوسعها على نفسي واضيقها عليه
والقاعة اللي الناس مشيت منها
انا أجرتها بعدها بشهر وعملت فيها حفلة للموظفات عندي في الشركة
لبست فستان ابيض تاني
بس المرة دي كنت لوحدي
وكنت مبسوطة اكتر
عشان المرة دي محدش قال لي وسعي شوية
بعد ما مشيته من الشركة ومن حياتي كنت فاكرة ان القصة خلصت
بس القصة كانت لسه بتبدأ
بعدها باسبوعين لقيت مامته جاية تخبط على باب شركتي
السكرتيرة قالت في ست كبيرة عايزة تقابلك بتقول انها مامت العريس
قلت لها دخليها
دخلت ست طيبة لابسة اسود وشكلها مكسوف
قالت لي ازيك يا بنتي
قلت لها اهلا اتفضلي
قالت انا عارفة ان ابني غلط غلطة كبيرة بس ده ابني الوحيد وانا جاية اطلب منك تسامحيه
قلت لها اسامحه على ايه على انه قال لي وسعي لطليقتك ولا على انه صغرني قدام 200 واحد
قالت هو طول عمره مدلوق على البنت دي
قلت لها مدلوق يبقى كان يتجوزها هي مش يتجوزني انا
قالت هي اللي سابته زمان عشان واحد اغنى منه وهو من ساعتها عايز يثبت لها انه بقى حاجة
قلت لها يثبت لها على حسابي انا
قالت انا عارفة انك مجروحة بس فكري تاني ده جواز
قلت لها لا ده كان جواز خلاص مبقاش
الجواز اللي يبدأ بكلمة وسعي لطليقتي ينتهي قبل ما يبدأ
الست عيطت
قالت طب هتعملي ايه في الفستان والشقة والعفش
قلت لها الفستان عندي والشقة بتاعته هو حر فيها والعفش ابويا اللي كان جايبه وانا هاخده
قالت والناس هتقول ايه
قلت لها الناس قالت خلاص يوم الفرح لما مشيوا من القاعة فاضية الناس عرفت كل حاجة
قالت طب ممكن تكلميه مرة اخيرة
قلت لها لا
بس هقولك حاجة لله
ابنك لو كان يومها قال لطليقته لا مينفعش تركبي دي عربية عروستي كنت شلته فوق راسي طول العمر
لو كان قال لها اطلب لك تاكسي كنت قلت ده راجل بجد
بس هو قال لي انا وسعي
كلمة وسعي دي خلتني احس اني ضيفة في فرحي مش عروسة
مشيت مامته وهي بتدعيلي
بعدها بيومين لقيت طليقته نفسها جاية الشركة
لابسة نفس الفستان الاحمر
دخلت عليا المكتب كأنها صاحبته
قالت ازيك
قلت لها عايزة ايه
قالت جاية اقولك انك كبرتي الموضوع اوي ده كان مجرد توصيلة
قلت لها توصيلة في عربية الزفة يوم فرحي
انتي لو حد عمل فيكي كده كنتي هتوافقي
قالت انا واثقة في نفسي
قلت لها لا انتي واثقة انه هيسيب اي واحدة عشانك وده اللي حصل بس هو سابك انتي كمان بعدها بشهر لما عرف انه مش مدير
سكتت
قلت لها عارفة ليه جيتي النهاردة
عشان فاكرة اني هعيط واقولك خدتيه مني
لا يا حبيبتي انا اللي سيبتهولك مخدتيهوش
انتي خديه لفي بيه واعملي بيه اللي انتي عايزاه انا خلاص وسعتلك على الاخر
قالت انتي شايفة نفسك عشان معاكي فلوس
قلت لها لا شايفة نفسي عشان عندي كرامة وانتي لو عندك كرامة مكنتيش تركبي عربية واحدة تانية يوم فرحها
قامت وهي متغاظة
قالت بكرة تندمي
قلت لها انا ندمت مرة واحدة بس لما قلت موافقة اتجوزه
ومن ساعتها وانا كل يوم بصحى احمد ربنا اني قلت لا في الوقت الصح
بعد شهرين قابلت واحد في اجتماع شغل
مهندس محترم ومؤدب
قال لي سمعت اللي حصل يوم فرحك وانتي ست جدعة
قلت له شكرا
قال ممكن نتعرف
قلت له ممكن بس بشرط
قال ايه
قلت له عمرك ما تقول لست وسعي شوية عشان واحدة تانية تقعد مكانها
ضحك وقال عمري ما هقولها
ومن ساعتها وانا عرفت ان كلمة لا اللي قلتها بفستان الفرح
هي اللي جابتلي كل حاجة حلوة بعد كده
شركتي كبرت
وثقتي في نفسي رجعت
وبقيت لما اشوف اي بنت مقهورة اقول لها
اوعي حد يقولك وسعي
انتي صاحبة الكرسي وصاحبة العربية وصاحبة العمر كله
