تيته مش داده حصري لموقع لمحه
المحتويات
البحر زعلك
قلت لها لا يا حبيبتي انا بعيط عشان فرحانة اخيرا شفته
الكبير قال على فكرة يا تيتة انا مكنتش عايزك تبقي دادة انا كنت عايزك تلعبي معانا بس
قلت له وانا عايزة العب معاكم بس مش طول اليوم مش شغل
العب معاكم ساعة واروح اعمل مساج ساعة ونتقابل تاني
قال هو المساج ده ايه
قلت له حاجة حلوة اوي هبقى احكيلك عليها لما تكبر
قعدنا 10 دقايق نبني قلعة رمل صغيرة وبعدين قلت لهم يلا ارجعوا لبابا وماما عشان عندهم جدول
طلعوا يجروا على الفندق
وانا فضلت قاعدة
طلبت عصير جوز هند من الولد اللي بيعدي على البحر وقعدت اشربه وانا بتفرج على الناس
اول مرة من 40 سنة اقعد من غير ما اعمل حاجة لحد
لا مواعين ولا غسيل ولا حد بينده يا ماما اعمليلي
الساعة 1 الضهر جالي تليفون من ابني
يا ماما الولد الصغير مش راضي ينام وانتي اللي بتنيميه
قلت له انا مش بنيم حد انا نايمة على البحر وجايلي شمس حلوة اقفل بقى عشان هحرق
وقفلت
الساعة 3 العصر مرات ابني بعتتلي رسالة طويلة
احنا اسفين يا طنط احنا كنا مضغوطين في الشغل وقلنا انتي بتحبي الولاد فهتتبسطي معاهم مقصدناش نستغلك والله تعالي اتغدي معانا
مردتش في ساعتها
سيبتها ساعة وبعدين رديت قلت هاجي اتغدى معاكم بس كتيتة مش كخدامة
لو عايزين تيتة تيجي تلعب ساعة مع العيال اهلا وسهلا لو عايزين دادة اطلبوا دادة من الفندق فيه خدمة دادة بالساعة ب 25 دولار
قالت موافقين
نزلت اتغديت معاهم
الغدا كان غريب
ابني مش عارف يأكل ابنه الصغير
ومرات ابني بتحاول تغير للبيبي على ترابيزة الاكل
والناس بتبص عليهم
وانا قاعدة باكل سمك مشوي وبتفرج
الصغيرة جت قعدت جنبي وقالت تيتة ممكن تاكلي انتي اخويا الصغير
قلت لها لا يا حبيبتي بابا وماما هيأكلوه انا النهاردة ضيفة زيكم
ابني سمع الكلمة ووشه اتكسف
بعد الغدا قلت لهم انا طالعة السبا بتاعي عندي معاد مساج وحمام مغربي
مرات ابني قالت هو انتي حجزتي سبا بجد
قلت لها اه ب 300 دولار من فلوسي اللي محوشاها من معاشي
انا طول عمري بحوش للعيال وللبيت اول مرة احوش لنفسي
طلعت السبا
اول مرة في حياتي حد يعمللي مساج
الست اللي بتعمل المساج قالتلي انتي جسمك كله مكلبش من التعب
قلت لها من 68 سنة تعب
قالت ارتاحي
نمت وانا بعمل المساج صحيت لقيتني بعيط تاني
بس المرة دي من الراحة
رجعت اوضتي الفي اي بي اللي على البحر
الاوضة فيها بلكونة كبيرة وبانيو بيبص على البحر
قعدت في البانيو وطلبت شاي بالنعناع
بالليل سمعت خبط على الباب تاني
فتحت لقيت ابني لوحده
قال ممكن ادخل
قلت ادخل
قعد على السرير وقال يا ماما انا اسف
قلت اسف على ايه
قال على الجدول وعلى اني فكرت انك هتبقي مبسوطة وانتي بتخدمينا
قلت له يا حبيبي انا ربيتك لوحدي وكنت بشتغل ورديتين عشان اجيبلك كوتشي جديد وكنت بعمل كل حاجة لوحدي وكنت فاكرة لما تكبر هتريحني مش هتجيبني البحر عشان اغسلك غسيل عيالك
قال والله ما قصدت مراتي هي اللي قالت انك فاضية وانك بتحبي العيال فهتتبسطي
قلت له وانا فاضية فعلا بس فاضية لنفسي مش ليكم
انا فاضية اشوف البحر اللي مشفتوش
فاضية اقعد من غير ما حد يقولي اعملي وسوي
قال طب نبدأ من جديد احنا قاعدين 3 ايام كمان ممكن نبقى عيلة بجد
قلت له ممكن بس بشرط
قال ايه
قلت الجدول ده يتقطع
والعيال ليهم وقت معايا بمزاجي مش فرض
وانتو ليكم وقتكم وانا ليا وقتي
ولو عايزين تخرجوا لوحدكم تطلبوا دادة من الفندق بفلوسكم مش ببلاش من لحمي
قال موافق
قلت وشرط كمان
تاخدني بكرة انا وانت والعيال نركب مركب في البحر عشان عمري ما ركبت مركب
قال حاضر
تاني يوم الصبح صحيت لقيت حفيدتي الصغيرة سايبالي ورقة تحت الباب
راسمة فيها انا وهي على البحر وكاتبة تيتة بتاعة البحر مش تيتة بتاعة المواعين
لبست البورنيطة ونزلت
لقيتهم كلهم مستنييني في اللوبي من غير جدول
ابني قال يلا بينا البحر مستني تيتة بتاعة البحر
ركبنا المركب
المركب بيتهز وانا خايفة ومسكة في الحفيد الكبير وهو بيضحك وبيقولي متخافيش يا تيتة انا ماسكك
والصغيرة بتغني
ومرات ابني بتصورنا
ولأول مرة احس اني مش دادة
انا تيتة
تيتة بجد ببورنيطة جديدة وضوافر بينك واول مرة تشوف البحر عندها 68 سنة
ولما رجعنا الفندق ابني قطع الجدول قدامي ورماه في الزبالة
وقال من النهاردة مفيش جدول فيه تيتة
فيه بس معاد مركب الساعة 5 مع تيتة بتاعة البحر
وبعد ما قطع الجدول ورماه في الزبالة انا افتكرت ان خلاص كده اتعلمنا الدرس
بس اللي حصل تاني يوم خلاني اعرف ان مرات ابني لسه جواها حتة صغيرة بتقول انا دافعة تمن الرحلة دي فلازم اخد خدمة قصادها
تاني يوم الصبح الساعة 7 انا صاحية في اوضتي الفي اي بي بعمل قهوة وببص على البحر من البلكونة
لقيت الباب بيخبط
فتحت لقيت مرات ابني واقفة ومعاها الولد الصغير شايلاه على كتفها
وشكلها لسه صاحية وشعرها منكوش
قالتلي معلش يا طنط ممكن تخلي بالك منه ساعة واحدة بس عشان عندي ميعاد مهم في السبا
بصيتلها وابتسمت
قلت لها انتي عندك ميعاد في السبا
قالت اه حجزت مساج
قلت لها مبروك وانا كمان عندي ميعاد في السبا دلوقتي حالا الساعة 7 الصبح حجزاه من امبارح ودافعة فلوسه
قالت طب هتسيبيني كده
قلت لها لا مش هسيبك هقولك تعملي ايه تطلبي دادة الفندق اللي ب 25 دولار في الساعة زي ما قلنا يا اما تستني جوزك يصحى
قالت
متابعة القراءة
