احاديث تيكتوكية بقلم لمياء شاهين الحدوته الأولي
صمت.. وأغلبهم محتاجين بس حد يقولهم إن مشكلتهم مهمة..
القصة الثانية
ازاي حماتي حجزت لنفسها معانا في شهر العسل؟؟
تقول صاحبة القصة
الفرح كان جميل.. أنا وجوزي كنا بنوافق على كل اقتراحات حماتي عشان منعملش مشاكل.. أنا وجاريت جوزي كنا بس عايزين نبدأ حياتنا مع بعض.. بس أمه اللي خليني أسميها أم قويق كان عندها خطة مختلفة..
زنقتني في الفرح وهي ماسكه العصير ف ايديها وعلى وشها نظرة انتصار والا كأنها أخدت ميدالية ف الأولمبيات وقالت لي بكل فخر مش أنا حجزت لنفسي أوضة ف نفس المنتجع اللي انتوا حجزتوا فيه أسبوع العسل بتاعكم؟؟
بصيت لها وأنا حاسه إن نصي الشمال بدأ ينمل.. وهي كملت وقالت اصلكم هتحتاجوا حد يكون معاكم ويعرفكم تروحوا فين بما إن دي أول مرة ليكم ف هاواي
فضلت مبحلقه ف خلقتها.. حاسه إن ودني غالبًا فيها حاجة.. أكيد سمعت غلط ان شاء الله.. وافتكرت لما جاريت سبق وقال لها قدامي احنا محتاجين الأسبوع ده نكون لوحدنا..
أم قويق معجبهاش بصتي وقالت متبصليش كده يا حبيبتشي.. وضحكت وهي بتطبطب على دراعي.. وكملت كلام وقالت أنا مش هبقى عزول.. أنا بس هاكل واخرج معاكم.. وممكن نبدل أوضنا وناخد أوضتين من قلب بعض
ساعتها
تاني يوم الصبح كنت هموت من الصداع والغيظ.. اتصلت بالمنتجع اللي كنا حاجزين فيه.. وقولت للموظفة انا محتاجة ألغي الحجز بتاعي
الموظفه ع التليفون كانت متعاطفة معايا وسألتني وكأنها عارفه اللي حصل مشاكل شهر العسل؟
قولت لها لا مشاكل حماتي أم قويق
ضحكت وقالت لي طب واللي يلاقي لك حل؟ وبدأت تشرح لي عن مكان تابع للمنتجع بس على جزيرة مختلفة.. المكان أصغر من المنتجع الأصلي بس حصري تمامًا.. مش موجود على نظام الحجز العادي..
ف قررت إني أغير الحجز بتاعنا تمامًا وأعمل ترقية ونقعد ف المنطقة اللي قالت عليها الموظفة.. أينعم دفعت 3000 دولار زيادة بس بصراحة لما شوفت تعبير وش جاريت لما حكيت له اللي حصل كان لا يقدر بالمال..
جاريت سألني بتوتر هنقولها ايه؟
قولت له والا حاجة.. خليها تروح زي ما هي عايزه.. وانت هتنسى تليفونك هنا ف البيت.. كان شكله مرعوب بس هز راسه بالموافقة..
لأول مرة من ساعة الخطوبة يختارني أنا بدل ما كل مرة كان بيختار ميزعلش أم قويق..
سافرنا على أسبوع العسل بتاعنا زي
ف الوقت ده أم قويق راحت على المنتجع اللي كنا حاجزين فيه.. معاها شنطتين هدوم كبار وقائمة بالأنشطة اللي كانت مخططه عشان نعملها سوا..
لما سألت علينا ف استقبال المنتجع قالوا لها إن معندهمش أي بيانات عننا.. اتصلت بجاريت اليوم ده 23 مرة.. كلهم راحوا مباشرة ع البريد الصوتي.. اتصلت بابو جاريت.. وباخته.. وبمديره ف الشغل.. وف الأخر كلمت أبويا.. بتطالبه يقولها احنا فين..
محدش كان عارف مكاننا إلا أنا وجاريت وأبويا.. بس أنا كنت محلفه أبويا ميقولش لأي حد مكاننا.. بعد طبعًا ما شرحت له الموقف كله.. أبويا قالي حماتي دي مجنونه.. روحي يا حبيبتي واتبسطي وسيبك منها
تالت يوم ليها في المنتجع كتبت بوست على الفيسبوك عن ازاي احنا اتخلينا عنها وسيبناها لوحدها في هاواي..
التعليقات ماكنتش زي ما كانت متخيله.. عمة جاريت كتبت لها إيه اللي يخليكي تطبي عليهم ف رحلة شهر العسل بتاعتهم..
زميل جاريت من أيام الكلية كتب لها ده سلوك غريب منك أوي بجد..
حتى بيثاني اللي كانت
قضينا أنا وجاريت الأسبوع بنعوم ف حمام السباحة الخاص بالفيلا.. بناكل الفطار ف البلكونة.. وأهم حاجة بنتكلم عن مستقبلنا بدون تدخلات من عيلته.. بدون زيارات مفاجأة.. بدون ابتزاز عاطفي.. بدون تمثيل إننا الأبن المثالي ومرات الأبن المثالية.. أنا وهو بس.. زي ما احنا..
لما رجعنا البيت أم قويق كانت مستنيانا قدام باب بيتنا.. وقالت ازاي تقدروا تعملوا فيا كده؟ انا اتبهدلت.. الناس بتقول عليا إني متسلطة..
جاريت مسك ايدي وقال الكلام اللي كنت مستنياه يقوله من زمان ماما.. انتي اللي فرضتي نفسك علينا.. احنا مكناش عايزينك معانا.. الناس مش بتتهمك إنك متسلطة.. انتي كده فعلا
وشها بقي يجيب ألوان.. ما بين الصدمة والغضب وحاجة شبه الاستيعاب.. شبه الاستيعاب.. مشيت يومها وخاصمتنا لمدة 6 شهور..
أبو جاريت قال إن دي كانت أكتر نص سنة سلام قضاها في جوازه كله.. ولما أم قويق أخيرًا رجعت تتكلم معانا.. كانت بتعتذر وبتطلب مننا نبدأ من جديد.. واتفقنا إننا هنعمل كده فعلًا بس ببطء وخطوة خطوة..
بس برده الأجازة الجديدة بتاعتي أنا وجاريت مش هنقول
