زعيم المافيا والطفلة الصغيرة

ده حد عارف المكان يا آسر بيه
آسر رفع إيده له إشارة إنه يسكت.
الخطوة وقفت قدام الباب.
سكون.
وبعدين خبط خفيف جدا.
آسر بص ناحية الباب وقال بصوت ثابت ادخل.
الباب اتفتح ببطء وظهر راجل.
لابس بدلة غامقة وشه هادي بشكل يخوف أكتر من أي تهديد ومفيش أي سلاح ظاهر بس حضوره لوحده كان تقيل.
بص على آسر وقال بابتسامة بسيطة كنت متأكد إنك هتوصل ليها بسرعة.
آسر عينه ضاقت إنت.
لكن في الوقت ده دخل خطوة جوه الاوضة وقال من زمان ما اتقابلناش يا آسر.
محمود بص بدهشة إنت تعرفه
آسر من غير ما يرفع عينه أعرفه للأسف.
ليان بصت بينهم بخوف هو ده الراجل
الراجل بص لها لأول مرة. ابتسم أيوه انا يا حبيبتي
آسر شد صوته ما تقربش منها.
الراجل رفع إيده بهدوء بالعكس أنا جاي أطمن عليها مش أذيها
سكت لحظة وبعدين كمل الرسالة وصلت صح
آسر بصله الرسالة وهي أن طفلة بتتهز في نص حرب إنت مش شايف منظرها خايف ازاي
الراجل هز راسه بس مش حرب ده ترتيب.
آسر اتقدم خطوة ترتيب إيه
الراجل بص ناحية ليان البنت دي مش صدفة يا آسر دي المفتاح.
ليان رجعت لورا على الكرسي 
أنا أنا معملتش حاجة
آسر بصلها بسرعة محدش هيلمسك يا حبيبتي متخفيش
الراجل ابتسم أنا مش جاي أأذيها أنا جاي أقولك الحقيقة.
سكت لحظة وبعدين قال الجملة اللي خلت الأوضة كلها تتجمد البنت دي بنتك.
الصمت اللي بعد الجملة كان تقيل لدرجة إن حتى المطر برا كأنه وقف
محمود قال بصدمة إيه
آسر ما اتكلمش بس عينه ثبتت على ليان.
ليان بصت له بخوف يعني إيه
الراجل كمل بهدوء من تسع سنين في حاجة اتعملت في السر وإنت ماكنتش تعرف.
آسر صوته طلع أخطر من الأول وقال إنت بتلعب.
الراجل لو كنت بلعب ماكنتش دخلت القصر ده حي.
اخد خطوة وبعدين كمل
حد خد منك حاجة وفضل مخبيها لحد النهارده والنهارده جه اليوم اللي يرجعهالك 
آسر بص لليان وشه لأول مرة اتغير مش غضب مش شك لكن حاجة أعمق.
ليان بصتله أنا مش بنت حد أنا
صوتها اتكسر آسر قرب منها بهدوء لأول مرة بصيلي
رفعت عينها
وهو سكت لحظة طويلة.
وبعدين قال إنتي مش لعبة. ومش رسالة.
سكت تاني كأنه بيحارب جواه.
وبعدين وإنتي هتفهمي الحقيقة بس مش منه.
بص للراجل اطلع بره
الراجل ابتسم الحقيقة لسه ما خلصتش يا آسر.
آسر ببرود وأنا لسه ما بدأتش
محمود رفع سلاحه أخرج حالا احسنلك
الراجل لف وابتدى يمشي ناحية الباب قبل ما يخرج قال آخر جملة اللي جاي أكبر من القصر ده والطفلة دي مش آخر مفتاح.
وبعدها خرج و الباب اتقفل.
ليان بصت لآسر أنا أنا فعلا بنتك؟
آسر قعد قدامها ببطء. بصلها طويل.
وبعدين قال بصوت واطي مش عارف.
بره القصر
العربية السودا اللي ليان شافتها قبل كده كانت واقفة وجوه العربيةكان في حد بيراقب القصر كله من بعيد.
وقال بهدوء البداية تمت.