سر سحر الجزء الثاني والأخير
الفصل الثاني السر اللي سحر ماكنتش تعرفه
قبل وفاة أبويا بشهر...كنا قاعدين في أوضة بالمستشفى
أنا وأبويا والمحامي بتاعه الأستاذ شريف.
وقتها أبويا كان تعبان جدًا.
وشه كان شاحب وصوته خارج بالعافية.
لكن رغم كده...
كانت عينه لسه فيها نفس القوة اللي طول عمرها كانت بتخوف أي حد يفكر يضحك عليه.
مسك إيدي وبصلي ،وقال بهدوء
قدر... لازم تركزي معايا في كل كلمة هقولها.
قلبي وقتها اتقبض
متقولش كده يا بابا... إن شاء الله هتقوم بالسلامة
ابتسم ابتسامة صغيرة.
اسمعي كلامي بس
سكت ثواني.
وبعدين بص للمحامي.
هاتها يا أستاذ شريف
المحامي فتح الشنطة اللي معاه وطلع ملف أزرق سميك
حطه قدام أبويا
أنا بصيت للملف باستغراب.
إيه ده يا بابا ؟
أبويا أخد نفس طويل وقال
ده السبب اللي هيخليني ابقي مطمن عليكي بعد ما أمشي
حسيت دموعي بتنزل
بابا...
اسمعيني للآخر يا قدر
هزيت راسي.
فكمل
أنا عارف سحر كويس
وعارف إنها أول ما أموت هتجري على الفلوس والعقارات
وعارف إنها فاكرة نفسها أذكى من الكل
المحامي وقتها ابتسم ابتسامة خفيفة
وأبويا كمل
عشان كده أنا عملت حاجة محدش يعرفها حتى سحر متعرفش .
بصيتله بعدم فهم
حاجة إيه؟
أبويا شاور على الملف
البيت
اتكلمت بسرعة
ماله البيت؟
البيت مش باسمها
اتجمدت مكاني.
إيه؟
ولا تقدر تبيعه
إزاي؟
المحامي فتح الملف وطلع مجموعة أوراق
وقال
قبل جواز الأستاذ محمود من سحر بسنتين.
بصيت بينهم وأنا مش مستوعبة
يعني إيه؟
أبويا ابتسم
يعني البيت مش ملكي أصلاً عشان يتورث
يعني سحر...
مالهاش فيه جنيه واحد
سكتت
وحسيت إني لأول مرة عارفة أتنفس
لكن أبويا رفع إيده
استني... لسه في الأهم
بصيتله
فقال
لو حاولت تبيع البيت أو تتصرف فيه من غير موافقة الورثة... العقد كله بيتلغى
والفلوس اللي أخدتها لازم ترجعها وفوقهم غرامة ضخمة
المحامي هز راسه
وده موثق رسمي
وقانوني مية في المية
أنا وقتها بصيت لأبويا بصدمة
يعني هي لو حاولت تبيع البيت...
أبويا ابتسم
هتقع في الفخ بنفسها
سكت لحظة
وبعدين قال
والطمع عمره ما ساب حد يفكر بعقله
رجعت من ذكرياتي على صوت ضحكة سحر وهي طالعة السلم
كانت فرحانة.
ومبسوطة
وفاكرة إنها انتصرت
وفاكرة إنها أخيرًا خلصت مني
لكن الحقيقة...
إنها كانت ماشية ناحية أكبر مصيبة في حياتها وهي مش دريانة
ابتسمت وأنا ببص على الملف الموجود جوه الدرج.
وقلت بهدوء
للأسف يا سحر...
أبويا كان أذكى منك بكتير
وفي اللحظة دي بالضبط...
رن تليفوني
بصيت على الشاشة
ولقيت اسم غريب أول مرة أشوفه
لكن اللي خلاني أتجمد مكاني...
إن الرسالة اللي وصلت مع المكالمة كانت مكتوب فيها
متقوليش لسحر أي حاجة دلوقتي... اللعبة لسه ما بدأتش.
اتسعت عيني بصدمة
لأن الرقم ده...
كان رقم أبويا
رقم أبويا اللي مات من
الفصل الثالث رسالة من رقم مجهول
اتجمدت مكاني أول ما شفت الرسالة
إيدي مسكت التليفون جامد
وعيني فضلت معلقة على الشاشة
متقوليش لسحر أي حاجة دلوقتي... اللعبة لسه ما بدأتش.
قلبي بدأ يدق بسرعة
مستحيل
رقم أبويا اتقفل بعد وفاته
أنا بنفسي كنت موجودة لما الشركة وقفته
يبقى إزاي؟
فضلت أبص للرسالة كذا مرة
يمكن يكون وهم أو يمكن حد بيهزر
لكن لا
الرقم هو نفسه
نفس رقم أبويا
في اللحظة دي دخلت سحر الصالون تاني
كانت ماسكة كوب عصير وعلى وشها ابتسامة مستفزة
انتي لسه قاعدة؟
قفلت شاشة التليفون بسرعة
في حاجة؟
ضحكت وهي قاعدة قصادي
كنت جاية أقولك إن المالك الجديد هييجي بكرة يعاين البيت
هزيت راسي بهدوء
تمام
استغربت من رد فعلي
واضح إنها كانت مستنية خناقة
بس كده؟
أيوة
يعني مش هتزعقي؟ مش هتعيطي؟
ابتسمت ابتسامة خفيفة
ليه؟
سحر ضيقت عينيها
واضح إنها اتضايقت إني مش مديالها رد الفعل اللي كانت مستنياه
قامت وهي بتقول
براحتك
بس متنسيش... فاضل ست أيام
وسابتني وطلعت
أول ما اختفت من قدامي...
فتحت الرسالة تاني
وبعدين ضغطت على الرقم
قلبي كان بيدق بعنف
وفجأة...
الخط اتفتح
وقبل ما أتكلم...
سمعت صوت راجل
الآنسة قدر؟
قومت واقفة مرة واحدة
مين معايا؟
أنا أستاذ شريف.
محامي والدك
تنفست بالعافية
حضرتك؟
أيوة
إيه موضوع الرسالة دي؟
سكت ثواني
وبعدين قال
والدك طلب مني أبعت الرسالة دي في الوقت
اتصدمت
يعني إيه؟
قبل وفاته بأيام كتب مجموعة تعليمات محددة
ولو حصلت أحداث معينة...
أنفذها
قعدت على الكرسي تاني
وأول حدث؟
إن سحر تحاول تبيع البيت
سكتت
وهو كمل
وده حصل النهارده
يعني أبويا كان متوقع ده كله؟
متوقع أكتر مما تتخيلي
بلعت ريقي
طيب واللعبة اللي لسه ما بدأتش؟
سكت شوية
وبعدين قال
لأن البيت مش أهم حاجة يا قدر
أمال إيه؟
الشركة
اتجمدت مكاني
شركة إيه؟
شركة والدك
شركة بابا كلها تحت إدارة سحر دلوقتي
ده اللي هي فاكراه
قلبي وقع
يعني إيه؟
يعني سحر معاها مكتب ورئيسة مجلس إدارة على الورق
لكن السيطرة الحقيقية...
في مكان تاني خالص
وقبل ما أسأله...
قال جملة خلتني أتجمد
بكرة الساعة عشرة الصبح هتعرفي الحقيقة بنفسك
فين؟
في الشركة
وهعرف إيه؟
ابتسم ابتسامة غريبة من الناحية التانية
وقال
هتعرفي ليه أبوكي كان مطمن عليكي قبل ما يموت
وقفل الخط
فضلت باصة للتليفون
عقلي مليان أسئلة
لكن حاجة واحدة كنت متأكدة منها...
أبويا ماكانش سايبني لوحدي
وفي نفس الوقت...
في أوضة مكتبها فوق...
كانت سحر قاعدة بتكلم حد في التليفون
وقالت وهي مبتسمة
كله تمام
البيت اتباع
والبنت هتمشي قريب
لكن الشخص اللي على الطرف التاني قال حاجة خلت وشها يتغير فجأة
وقفت مرة واحدة
وقالت بصدمة
إيه؟!
سكتت تسمع
وبعدين همست
إنت بتقول إن قاسم رجع مصر؟
ولأول مرة من ساعة وفاة أبويا...
الخوف ظهر
يتبع.
الفصل الرابع رجوع قاسم
في اللحظة اللي سحر سمعت فيها الاسم...
وشها فقد لونه
قامت من على الكرسي بسرعة وقالت بخوف
إنت متأكد؟
الشخص اللي على التليفون رد عليها
وسحر بدأت تتوتر أكتر
إمتى وصل؟
سكتت
