بدايه ١٠ مليون حصري لموقع لمحه
المحتويات
عيلة فجأة عشان فيه فلوس.. بس مقالش اكرههم
قلت
هنتكلم.. بس مش دلوقتي.. ومش عشان الفلوس.. عشان أنا محتاج أفهم.. انتوا ازاي قدرتوا تنسوني 9 سنين.. وافتكرتوني أول ما جدي مات
المحامي لم الورق وقال
الوصية هتتنفذ خلال 30 يوم.. والعربيات النادرة.. 7 عربيات.. موجودة في مخزن مقفول.. والمفاتيح معاه هو.. والشقق التجارية.. الإيجار بتاعها هيتحول لحسابه من الشهر الجاي
أبويا وأمي قاموا.. واخدين شنطهم.. ماشيين ناحية الباب.. وهم بيبصوا لي كأني واحد غريب خد منهم حاجة
قبل ما يخرجوا.. أختي قالت
أنا مش ماشية معاكم
أبويا لف
ايه؟
قالت
أنا هقعد مع أخويا.. عايزة أشوف الاستوديو بتاعه.. وعايزة أشوف الرسومات اللي جدي كان بيلزقها على التلاجة.. انتوا كدبتوا عليا.. قلتوا لي هو اللي مش عايز يكلمنا.. وهو اللي سايبنا
أمي قالت
تعالي معانا.. هنبقى نتكلم في البيت
أختي قالت
لأ.. أنا هبات هنا النهاردة
الباب اتقفل وراهم.. وفضلنا احنا التلاتة.. أنا وأختي والمحامي
المحامي قال لي
جدك كان عارف إن ده هيحصل.. عشان كده سايب لك رسالة تانية.. ليك انت لوحدك
اداني ظرف صغير.. مكتوب عليه.. افتحه لما يمشوا
فتحته.. لقيت ورقة صغيرة بخط جدي المعوج
يا حبيبي.. لو بتقرا الورقة دي.. يبقى خلاص.. عملتها.. متزعلش من أمك وأبوك.. هما معرفوش يحبوك صح.. بس انت عرفت تحب.. خلي الفلوس تعمل لك حياة ترسم فيها براحتك.. ولو في يوم قلبك حن.. وسامحتهم.. سامحهم عشانك انت.. مش عشانهم.. وافتكر.. التلاجة لسه عليها أول رسمة بعتها.. متشيلهاش.. جدك
عيطت.. أول مرة أعيط من يوم ما مات.. عيطت جامد.. وأختي حضنتني
قالت لي
ممكن توريني البيت؟
خدتها ورحنا البيت.. فتحت الباب.. دخلت الاستوديو.. لسه ريحة الألوان موجودة.. وريحة القهوة بتاعة جدي
فتحت التلاجة.. لقيت الورقة.. أول إيميل بيع.. مطبوع.. وملزوق ببلاستر.. ومكتوب تحته بخط جدي
أول 50 دولار.. بداية 10 مليون
أختي ضحكت وهي بتعيط وقالت
جدي كان شايف اللي احنا مكناش شايفينه
ومن يومها.. البيت فضل بيتي.. والاستوديو فضل استوديو.. والعربيات.. بعت واحدة بس.. وجبت بفلوسها معرض صغير باسمي وباسم جدي
وأبويا وأمي؟
بعد شهرين.. أمي بعتت لي رسالة
ممكن آجي أشوف البيت؟
قلت لها
تعالي.. بس مش عشان البيت.. تعالي عشان تشوفي رسومات جدك اللي على التلاجة.. لسه مكانها
ولما جت.. شافت الرسومات.. وشافت الاستوديو.. وشافت إني معلقتش صورة ال 10 مليون على الحيطة.. علقت صورة جدي وهو بيضحك وبيشرب قهوة
ساعتها بس.. فهمت إن الورث الحقيقي مكنش الفلوس.. الورث الحقيقي كان واحد صدق فيا لما كل الناس قالت لي انت فاشل
بعد ما أمي جت وشافت الاستوديو والتلاجة.. فضلت واقفة قدام التلاجة كتير.. بتبص على الورقة الملزوقة.. أول 50 دولار.. بداية 10 مليون.. بخط جدي
قالت بصوت واطي
أنا كنت فاكرة إن بابا بيهزر لما كان بيقول عليك فنان.. كنت فاكراه بيجامل عشان انت حفيده
قلت لها
مكنش بيجامل.. كان بيصدق.. انتوا اللي كنتوا بتهزروا لما قلتوا لي الرسم مش بيأكل عيش
قعدت على الكرسي اللي جدي كان بيقعد عليه.. الكرسي الخشب اللي بيزيق.. ومسكت الكوباية بتاعته.. لسه مكانها على الترابيزة.. مغسولة ومحطوطة مكانها زي ما كان سايبها
قالت
أنا وأبوك.. اتجوزنا بدري.. وكنا فاكرين إن الحياة لازم تمشي زي ما احنا مخططين.. كلية تجارة.. وظيفة في بنك.. جوازة كويسة.. ولما انت جيت تقول عايز أرسم.. حسينا إنك بتبوظ الخطة.. مش إنك بتدور على حلمك
قلت لها
وأنا لما طردتوني.. حسيت إني مش ابنكم.. حسيت إني غلطة في الخطة.. فمسحتوها
سكتت.. وبعدين قالت
أبوك.. مش بيعرف يعتذر.. طول عمره كده.. حتى معايا أنا.. بس من يوم الوصية.. وهو مش بينام.. كل شوية يقول.. هو احنا ازاي عملنا كده؟ ازاي سيبنا الواد ينام في الشارع؟
قلت لها
طب ما ييجي يقولها لي هو؟
قالت
هييجي.. بس اديله وقت.. اديله فرصة.. زي ما جدك اداك فرصة
بعدها باسبوع.. أبويا جه.. لوحده.. من غير البدلة الغالية.. لابس تيشرت وبنطلون عادي.. أول مرة أشوفه كده من وأنا صغير
خبط على الباب.. فتحت له.. لقيته ماسك كيس
قال
جايب لك حاجة
دخل.. حط الكيس على الترابيزة.. فتحه.. لقيت جواه كشكول رسم قديم.. بتاعي.. بتاع وأنا عندي 16 سنة.. اللي كنت راميه في أوضتي يوم ما طردوني
قال
لقيته في أوضتك القديمة.. أمك كانت شايلاه في الدولاب.. أنا كنت هرميه.. وهي قالت لأ.. سيبه.. يمكن يرجع
فتحت الكشكول.. أول صفحة.. رسمة لجدي.. وهو بيضحك.. وكنت كاتب تحتها.. جدي البطل
تاني صفحة.. رسمة للبيت بتاع جدي.. والجراج.. والاستوديو
تالت صفحة.. رسمة لأمي وأبويا وأختي.. وكنت كاتب.. عيلتي
إيدي بدأت تترعش
أبويا قعد على الأرض.. زي ما جدي كان بيقعد.. وقال
أنا مكنتش أعرف أبقى أب.. أبويا كان بيضربني لو مجبتش الدرجة النهائية.. فكنت فاكر إن القسوة هي اللي بتربي.. ولما انت قلت عايز ترسم.. افتكرت إنك هتبقى فاشل زي ما كانوا بيقولوا عليا وأنا صغير.. فقلت أشد عليك.. عشان تبقى راجل.. وطلعت غبي
قلت له
كنت محتاج حضن.. مش شدة
قال
عرفت.. متأخر.. بس عرفت
سكتنا شوية.. وبعدين قال
ال 10 مليون.. مش عايز منهم حاجة.. ولا أمك عايزة.. احنا بس.. عايزين نعرف.. ممكن نيجي نزورك؟ مش عشان الفلوس.. عشان.. عشان نشوف الاستوديو.. ونشوف التلاجة
قلت له
تعالوا.. بس بشرط.. محدش يقول الرسم مش بيأكل عيش تاني.. عشان الرسم أكلني عيش 9 سنين وانتوا مش موجودين.. وجاب لي بيت وعربيات وشركة
ضحك.. أول مرة يضحك ضحكة حقيقية مش ضحكة الاستعلاء بتاعة زمان
قال
حاضر.. من هنا ورايح.. هقول الرسم بيأكل عيش.. وبيبني بيوت كمان
من
متابعة القراءة
