بدايه ١٠ مليون حصري لموقع لمحه
يومها.. بقى ييجي كل جمعة.. يقعد في الجراج.. يتفرج عليا وأنا برسم.. ويعمل قهوة.. قهوة وحشة أوي.. بس بيعملها بنفسه.. وبيقول لي
اشرب.. دي قهوة جدك.. كنت بتعلمها منه
وأمي بقت تيجي معاه.. تجيب أكل.. وتقعد مع أختي.. اللي بقت تبات عندي 3 أيام في الأسبوع.. وتقول لي
علمني أرسم زيك
وأنا بقيت أعلمها.. وأعلم أبويا كمان.. اللي طلع بيرسم ورد وحش جداً.. بس بيحاول
المحامي لما عرف.. قال لي
جدك كان عارف إنك هتسامح.. عشان كده كتب في الوصية.. لو سامحتهم.. يبقوا ياخدوا حاجة صغيرة.. مش فلوس.. ياخدوا العربية القديمة اللي كان بيحبها.. عشان يفتكروه
اديت لأبويا العربية.. عربية قديمة خضرا.. كان جدي بيحبها.. أبويا أول ما شافها.. عيط.. وقال
دي العربية اللي علمني عليها السواقة.. وأنا عندي 18 سنة.. زيك
الفلوس؟
ال 10 مليون و 300 ألف؟
مخدتش منهم حاجة لنفسي غير البيت والاستوديو
الباقي؟
فتحت مؤسسة صغيرة باسم جدي.. بتعلم عيال مطرودين من بيوتهم الرسم ببلاش.. وبتديهم أوضة يناموا فيها.. زي ما جدي اداني أوضة
وأول قاعدة في المؤسسة.. مكتوبة على الحيطة بخط كبير
الرسم بيأكل عيش.. وبيبني بيوت.. وبيخليك تلاقي عيلة حتى لو عيلتك نسيتك
وكل عيل بيدخل.. بطبعل له أول 50 دولار يبيع بيها رسمة.. وألزقها على التلاجة.. وأكتب تحتها
بداية 10 مليون
عشان يفتكر إن جدي بدأ كده.. وأنا بدأت كده.. وهو كمان ممكن يبدأ كده
أبويا وأمي؟
بقوا ييجوا المؤسسة.. يقعدوا يساعدوا العيال.. وأمي بقت تعمل لهم أكل.. وأبويا بيعلمهم ازاي يفتحوا حساب في البنك.. عشان لما يبيعوا رسوماتهم.. يعرفوا يحوشوا
وفي يوم.. كنت قاعد برسم في الاستوديو.. لقيت أختي داخلة ومعاها ورقة
قالت
لقيتها في كتب جدي
فتحت الورقة.. لقيت رسالة أخيرة.. بخط جدي
يا حبيبي.. لو قريت الورقة دي.. يبقى أمك وأبوك رجعوا.. وده معناه إنك بقيت أرجل مني.. عشان أنا مقدرتش أسامح أبويا لما طردني وأنا عندي 18 سنة عشان عايز أبقى ميكانيكي بدل ما أبقى دكتور.. وسافرت.. ومرجعتش إلا لما مات.. انت رجعت بدري.. وده معناه إنك أحسن مني.. حافظ على البيت.. وحافظ على التلاجة.. وحافظ على الرسم.. جدك
ساعتها فهمت.. جدي مكنش بيربيني أنا بس.. كان بيربي نفسه فيا.. كان بيشوف فيا نفسه وهو صغير.. الواد اللي اتطرد عشان عايز يبقى ميكانيكي.. واللي ملقاش حد يصدق فيه.. فقرر يبقى هو الحد اللي يصدق فيا
ومن يومها.. كل ما حد يسألني.. انت جبت ال 10 مليون منين؟
بقول له
مجبتش 10 مليون.. جبت تلاجة عليها ورقة ب 50 دولار.. وجدو مصدق فيا.. والباقي كله جه لوحده
