كارت المحاميه حصري لموقع لمحه

جوزي لسه مدفون.. ومرات ابني ابتدت تتكلم في الورث ال 8 مليون دولار.. بس كل حاجة اتغيرت لما لقيت كارت محامي غريب في مكتب جوزي.. ومكتوب عليه 5 كلمات ليا انا بس.. محدش يعرف
جوزي لسه يا دوب مدفون.. ومرات ابني ابتدت تتكلم في فلوسه هتتصرف ازاي
ورايا.. كاسات كانت بتخبط في بعض في ركنة المقابر.. ومزيكا طالعة من عربية.. وانا واقفة جنب قبر جوزي.. بتفرج على التراب وهو بيغطي الراجل اللي حبيته 38 سنة
وبعدين.. كعب جزمة مرات ابني الغالية وقف ورايا
بطلي دراما
الشيخ لسه مخلص دعاء حالا
لازم نتكلم كملت وهي بتبص في ساعتها.. المحامي مستني
لفيتلها
مينفعش نستنى؟ انا لسه دافنة جوزي
اتنهدت بزهق
جوزك مات خلاص.. عندنا حاجات مهمة نتكلم فيها
ابني كان واقف وراها.. بيبص في الارض.. وابني الصغير كان واقف قريب مع مراته.. حتى احفادي كان شكلهم زهقانين
ايه المهم اوي كده؟
ابتسمت
ال 8 مليون دولار
استنيت حد من ولادي يرد.. يفكرها احنا فين.. يجيب سيرة ابوهم
محدش عمل
جوزي كان بيشتغل 18 ساعة في اليوم عشان يبني شركته من الصفر.. ايديه دي اللي صبت اساسات.. ومضت مرتبات.. ومسكت ايدي في عمليات وشدايد
ودلوقتي كلهم مركزين في حاجة ابعد من قبره.. في حسابه في البنك
في ركنة المقابر.. مرات ابني كانت بتتكلم بحماس عن اجازة في اوروبا عايزة تطلعها الشهر الجاي
الشيخ لمس دراعي.. هو الوحيد اللي كان قلقان اذا كنت هقدر استحمل دقيقة كمان ولا لا
لازم نتكلم في توزيع الورث مرات ابني كملت
انا حتى مشوفتش الوصية
ابني الصغير قرب
بابا ورهالنا السنة اللي فاتت.. كل حاجة هتتقسم على العيلة
بصيت لابني الكبير.. وبعدين الصغير
شكلهم كلهم كانوا عارفين ايه اللي هيحصل
الكل الا انا
في البيت.. ملحقتش حتى اقلع جزمة الجنازة.. ومرات ابني ابتدت تفحص اوضة السفرة
الصيني ده لازم يتقيم مشت صباعها اللي عليه مانيكير على العفش.. اللوحات دي غالية برضه
ابني الكبير كان ماسك نوت بوك.. والصغير بيقف في البلكونات.. يبص على كل حاجة
لاكتر من 20 سنة.. البيت ده كان بيتي انا وجوزي.. ودلوقتي انا واقفة على الباب وولادي بيعملوا جرد لحاجتي
تليفوني عمل صوت
مرات ابني بعتالي رسالة وهي على بعد 3 متر مني
بطلي دراما على كل حاجة.. ده شغل مهم.. المحامي مستنيكي بكرة 9 بالدقيقة.. متصعبيش الموضوع اكتر من كده
قريتها مرتين
وبعدين بصيت لفوق
كانت بتتفرج على لوحة تانية
بليل.. قعدت على سريرنا وحضنت مخدة جوزي جامد
في اخر اسابيعه.. كان ماسك ايدي وبيوشوشني.. متقلقيش.. انا مأمنك.. محدش هيقدر يأذيكي
كنت فاكرة قصده ان هيبقى معايا فلوس كفاية
لوحدي في الضلمة.. فضلت افتكر اخر 4 كلمات
محدش هيقدر يأذيكي
كان عارف ايه؟
تاني يوم 9 الصبح.. اتجمعنا حوالين ترابيزة خشب بتلمع في مكتب المحامي
محامي جوزي من زمان.. فضل يبصلنا واحد
مرات ابني فتحت ملف جلد.. ابني الكبير بيبص في تليفونه.. الصغير قرب
الوصية اللي عيلتكم بتتكلم عليها كانت مكتوبة السنة اللي فاتت المحامي شرح.. بس حصل شوية تطورات
قلم مرات ابني وقف
تطورات ايه؟
جوزك عدل في اوراق الورث في اخر اسابيعه
ابني الكبير بص بسرعة
عدل ازاي؟
مقدرش اتكلم في التفاصيل قبل القراية الرسمية الاسبوع الجاي
مرات ابني قفلت الملف
ولاول مرة.. معندهاش حاجة تقولها
رجعت بيتي.. ابني الكبير والصغير فضلوا يلفوا في الاوض.. ويكتبوا الحاجات
ده بيتي قلت
مرات ابني يدوب بصت من تليفونها
وجوزك مات.. ولازم نبقى عمليين
بليل.. اعلنت انها هي وابني هيباتوا في اوضة الضيوف
محدش سألني اذا كنت عايزة حد يبات ولا لا
بعدين.. فوق.. سمعت اصوات طالعة من فتحة التكييف
دي عاطفية اوي مرات ابني قالت
ابني الصغير رد.. يمكن الحزن مأثر على تفكيرها
سكتوا
وبعدين ابني الكبير.. انتو بتلمحوا لايه؟
يمكن محتاجة حد يساعدها تاخد قرارات مهمة
قعدت مرة واحدة
تحت.. كراسي بتتزق على الارض.. حد وطى صوته
فضلت صاحية لحد ما البيت سكت خالص
تاني يوم الصبح.. مرات ابني حطتلي فنجان قهوة
لقينا خطة معقولة
سيبت القهوة زي ما هي
خطة ايه؟
احنا هندير الورث.. ابني معاه ماجستير ادارة اعمال.. والصغير بيفهم في البيزنس.. وانا عندي خبرة في تخطيط الورث.. وانتي هتفضلي في البيت وتاخدي مصروف كويس
مصروف؟
ضحكت بصوت واطي
جوزك طول عمره بيحميكي من ضغط الفلوس
ايدي كانت بتترعش تحت الترابيزة
وبطلت
هستنى قراية الوصية
ابتسامتها بقت اضيق
طبعا.. بس اتمنى تفكري في مصلحة الكل
بعد الضهر.. مشيوا على اساس عندهم مشاوير للورث
دخلت مكتب جوزي
مج القهوة بتاعه لسه على المكتب.. نضارته جنب شوية مجلات.. للحظة.. تخيلته هيدخل ويسألني مالي قلقانة كده
وبعدين لاحظت طرف ورقة بيضا تحت التقويم اللي على المكتب
كارت
محامية
اسم معرفوش
قلبته
خط جوزي
ليكي انتي بس.. محدش يعرف
قعدت بالراحة على كرسيه
محامية تانية
عمره ما جاب سيرتها
مشيت صباعي على الكلمات.. وحطيت الكارت في جيبي بالراحة
بليل.. مرات ابني كانت بتتكلم عن فرص استثمار.. ابني الكبير بيقترح شقق اصغر اريحلك
امبارح كنت هحتفظ بالبيت
النهاردة بيتكلموا انا هعزل فين
مقلتش حاجة تقريبا
تاني يوم الصبح.. شفت عربيتهم وهي بتختفي في اخر الشارع.. وبعدين قفلت باب المكتب بالمفتاح.. واتصلت
مكتب المحامية.. معاكي فلانة
انا مرات الراجل اللي لقيت الكارت بتاعك في مكتب جوزي الله يرحمه
سكوت
وبعدين صوتها اتغير
كنت مستنية مكالمتك
مسكت طرف مكتب جوزي جامد
تقدري تيجي مكتبي النهاردة؟
عيني راحت ناحية الشباك اللي قدام
وارجوكي زودت.. محدش يعرف
قفلت السكة وايدي بتترعش.. وفضلت قاعدة على كرسي جوزي.. حضنة الكارت كأنه اخر حاجة سابهالي.. محدش يعرف .. ليه كتب كده؟ ومين دي؟ واشمعنى انا بس؟
لبست بسرعة.. ملحقتش حتى اسرح شعري كويس.. خدت شنطتي ونزلت.. كنت خايفة حد من ولادي يرجع فجأة.. قفلت باب