كارت المحاميه حصري لموقع لمحه

الشقة بالمفتاح مرتين.. واول مرة من 20 سنة احس اني بسرق حاجة من بيتي
عنوان المحامية كان في وسط البلد.. عمارة قديمة.. بس مكتبها نضيف ومتوضب.. دخلت.. لقيت ست في الاربعينات.. لابسة بدلة سودا.. وشها هادي.. اول ما شافتني.. قامت وقفت.. كأني حد مهم
قالتلي.. كنت عارفة انك هتيجي النهاردة
قلتلها.. انتي تعرفي جوزي منين؟
قالت.. اقعدي الاول
قعدت.. وطلعت ملف تخين من الدرج.. محطوط عليه اسمي
قالت.. جوزك جالي من 4 شهور.. اول ما عرف انه تعبان اوي.. قالي.. انا هاموت قريب.. وعيلتي هتاكل مراتي حية.. انا عايزك تحميها
عيطت.. مقدرتش امسك نفسي.. قلتلها.. هو كان عارف؟
قالت.. كان عارف كل حاجة.. كان عارف ان مرات ابنك بقالها سنة بتزن على ابنك عشان ياخدوا فلوسه.. وكان عارف ان ولادك الاتنين كانوا بيستلفوا منه من وراكي.. وكان عارف انهم فاكرينك ست كبيرة طيبة.. هتمضي على اي حاجة
فتحت الملف.. وطلعت ورق
قالت.. ال 8 مليون دولار اللي مرات ابنك بتتكلم عنهم في المقابر.. دول مش كل حاجة.. جوزك عنده 22 مليون.. مش 8
اتصدمت.. 22؟
قالت.. اه.. 8 مليون دول الشركة.. و مليون حسابات واراضي وشقق هو شاريها باسمك انتي من غير ما يقولك.. من 10 سنين وهو كل ما يشتري حاجة.. يكتبها باسمك.. وكان بيقول.. دي لمراتي.. عشان لو جرالي حاجة.. محدش يعرف ياخد منها حاجة
كملت.. الوصية اللي المحامي القديم بيتكلم عنها.. اللي من سنة.. دي وصية قديمة.. جوزك لغاها.. وكتب وصية جديدة عندي.. قبل ما يموت باسبوعين.. والوصية الجديدة بتقول.. كل حاجة ليكي انتي.. انتي بس.. ولادك واحفادك ياخدوا بعد ما انتي تموتي.. ومرات ابنك ملهاش ولا مليم.. ولا ليها حق تدخل بيتك حتى
قلتلها.. بس ولادي؟
قالت.. ولادك.. جوزك كتب في الوصية.. انهم لو احترموكي وشالوكي فوق راسهم.. انتي حرة تديهم اللي انتي عايزاه.. ولو عملوا زي ما عملوا في المقابر.. يبقوا ميستاهلوش.. وهو سايبلك انتي القرار.. وكاتب جملة بخط ايده.. عايزك تقريها
ادتني ورقة.. مكتوب بخط جوزي اللي انا حفظاه
يا حبيبتي.. سامحيني اني سيبتك بدري.. بس انا عارف ولادنا.. طيبين بس مرات ابننا بتلعب بدماغهم.. انا مأمنك.. متخافيش.. محدش هيقدر يأذيكي طول ما انتي قوية.. وانا عارف انك قوية.. قومي من جنب قبري وامسحي دموعك.. وروحي عيشي
قريتها وصرخت من العياط.. حضنتني المحامية.. وقالتلي.. اهدي.. لسه مخلصناش
قالت.. جوزك سايب تسجيل.. فيديو.. عايزك تشوفيه يوم قراية الوصية.. قدام الكل.. وقال.. متقوليش لحد انك جيتي هنا.. روحي البيت.. واتعاملي عادي.. لحد يوم قراية الوصية.. وهناك كل حاجة هتبان
رجعت البيت.. كنت ماشية في الشارع.. وحاسة اني واحدة تانية.. مش الست الغلبانة اللي كانت واقفة في المقابر.. لا.. انا الست اللي جوزها حبها 38 سنة.. ومأمنها حتى وهو ميت
دخلت البيت.. لقيتهم رجعوا.. مرات ابني قاعدة حاطة رجل على رجل.. وفاتحة اللاب توب.. بتتفرج على شاليهات في الساحل
قالتلي.. ايه.. كنتي فين؟
قلتلها.. كنت في المقابر
سكتت.. وقالت.. تاني؟
قلتلها.. اه.. اصله وحشني
بصتلي بقرف.. وقالت.. احنا قررنا.. هنبيع اللوحات اللي هنا.. وهنبدأ بشقة اسكندرية.. المشتري جاهز
قلتلها.. شقة اسكندرية باسمي
ضحكت.. ما كله باسم العيلة
مردتش.. دخلت اوضتي.. وقفلت الباب
طول الاسبوع ده.. كنت بمثل اني ضعيفة.. بعيط.. وبقول حاضر.. وهما كل يوم بيزيدوا فيها.. جابوا سمسار.. جابوا واحد يقيم الصيني.. حتى هدوم جوزي.. مرات ابني قالت.. هنوديها جمعية.. ملهاش لازمة
كنت بسمع واسكت.. وبعد في الايام.. لحد يوم قراية الوصية
يوم قراية الوصية.. روحنا كلنا مكتب المحامي القديم.. مرات ابني لابسة بدلة كأنها رايحة تستلم جايزة.. وابني الكبير ماسك قلم غالي.. والصغير بيبصلي ويقولي.. متقلقيش يا ماما.. هناخد بالنا منك
دخلنا.. لقينا المحامية الجديدة قاعدة جنب المحامي القديم
مرات ابني اتصدمت.. مين دي؟
المحامي القديم قال.. دي زميلتنا.. جوز الست.. كان كاتب عندها الوصية الاخيرة
مرات ابني وشها احمر.. وصية اخيرة ايه؟ احنا عندنا وصية من سنة
المحامية الجديدة وقفت.. وطلعت الورق.. وقالت.. الوصية اللي من سنة.. اتلغت.. ودي الوصية الجديدة.. بتاريخ من اسبوعين.. وممضية ومتسجلة ومتوثقة.. ومعاها فيديو
وشغلت اللاب توب.. وطلع جوزي.. على سرير المستشفى.. شكله تعبان.. بس صوته قوي
قال.. لو بتتفرجوا على الفيديو ده.. يبقى انا مت.. وانا عايز اقول كلمتين.. الفلوس دي.. انا تعبت فيها 40 سنة.. ومراتي تعبت معايا 38 سنة.. استحملت فقري.. واستحملت مرضي.. وعمرها ما اشتكت.. ال 22 مليون.. كلهم لمراتي.. هي حرة فيهم.. تدي لولادها.. متديش.. هي حرة.. ولو حد فيهم زعلها.. او فكر يوديها دار مسنين.. او ياخد بيتها.. ملهوش ولا جنيه.. ومرات ابني.. اللي بتتكلم في الورث في المقابر.. انتي ملكيش حاجة عندي.. ولا عايز اشوف وشك في بيتي تاني.. ويا مراتي يا حبيبتي.. قومي.. وعيشي.. وسافري.. واتبسطي.. انا بحبك
الفيديو خلص.. والاوضة سكتت.. سكوت يخوف
مرات ابني قامت وقفت.. ده تزوير.. ده مش معقول.. الراجل كان تعبان.. ضحكت عليه
المحامية قالت.. التقرير الطبي بيقول انه كان في كامل قواه العقلية.. ومعانا 2 شهود.. دكاترة
ابني الكبير بصلي.. وعينه مليانة دموع.. يامه.. انتي كنتي عارفة؟
قلتله.. لا.. كنت زيكم.. بس ابوكم كان عارفكم اكتر مني
مرات ابني لمت شنطتها.. وقالت لجوزها.. يلا.. مفيش حاجة نقعد عشانها
قلتلها.. استني
طلعت من شنطتي.. ورقة الشقة اللي في اسكندرية.. اللي كانت عايزة تبيعها
قلتلها.. الشقة دي باسمي.. وانتي كنتي عايزة تبيعيها من غير ما