الورث اللي لتفتح بعد الطلاق حصري لموقع لمحه

في جنازة ابويا.. جوزي وقف جنب امه في اخر صالة العزا وقال بصوت عالي نص الناس سمعته.. ورثها بقى هو اللي هيسد ديون عيلتي اخيرا
انا كنت على بعد عشرة متر
كنت لسه بخلص كلام مع واحد كان زميل ابويا في الشغل بشكره انه جه.. وايدي لسه ماسكة كوباية قهوة ساقعة.. وسمعت جوزي بيضحك
امه وطت صوتها سنة صغيرة وقالت.. والبيت الجديد.. متنساش البيت
جوزي ابتسم وقال.. ماما خلاص اختارت واحد
امه طلعت تليفونها وورت اخته اعلان شقة
ست اوض.. وحمام سباحة.. وجراج ياخد تلت عربيات
سعره.. ستميت الف دولار
وابويا كان لسه مدفون من اقل من ساعتين
انا سكت
جوزي كان طول عمره عارف ان ابويا معاه فلوس.. مش ملياردير يعني.. بس مستريح.. ابويا كان عامل شركة سباكة كبيرة برا المدينة وباعها من خمس سنين قبل ما يموت.. وجوزي كان مستني اني هورث كل حاجة
اللي مكنش يعرفه.. ان ابويا بطل يثق فيه من شهور
من تلت اسابيع قبل ما يموت.. ابويا كلمني من المستشفى
وقال.. لما المحامي يشغل التسجيل.. متقطعيش.. مهما جوزك قال
سألته تسجيل ايه
قال ببساطة.. هتفهمي
قراية الوصية حصلت بعد الجنازة باربع ايام في مكتب المحامي بتاع ابويا
جوزي جه لابس كأنه رايح يمضي صفقة شغل
وامه جت معاه
مكنتش معزومة اصلا
المحامي اتضايق لما دخلت.. بس انا قلتله سيبها تقعد
جوزي مسك ركبتي من تحت الترابيزة بالراحة
وهمسلي وقال.. مهما حصل احنا فريق واحد
وبعدين المحامي ابتدى
ابويا كان سايب تبرعات كتير للجمعيات.. وخالتي سابلها الشاليه بتاع البحيرة.. وشريكه القديم في الشغل سابله مجموعة العدة القديمة بتاعته
وبعدين المحامي بصلي انا
وقال.. باقي الورث بتاع ابوكي ليه شروط اضافية
ايد جوزي اتجمدت
وقال.. شروط ايه؟
المحامي مردش
فتح الدرج وطلع تليفون ابويا الاسود القديم
جوزي شكله اتوتر
انا لاحظت على طول
المحامي حط التليفون في نص الترابيزة
وقال.. التسجيل ده.. ابوكي سجله في مقابلة في بيته يوم 17 فبراير
وداس على تشغيل
صوت ابويا جه الاول
وقال.. يعني انت بتقول ان بنتي مش لازم تعرف؟
وبعدين صوت جوزي رد
وقال.. لا.. اول ما تاخد الفلوس انا هسيطر عليها كده كده
ست ثواني
هو ده كل اللي سمعناه
جوزي قام من على الكرسي بسرعة لدرجة ان الكرسي خبط في الحيطة
وقال.. اقفلوا ده!!
المحامي مبطلش التسجيل.. شال ايده من على التليفون.. وبص لجوزي وقال بكل هدوء.. اقعد.. لسه بدري
جوزي فضل واقف.. وشه احمر.. وعرقان.. وقال.. التسجيل ده متفبرك.. ده مش صوتي.. ده مش انا
امه قامت وقفت جنبه وقالت.. ايوة متفبرك.. الراجل ده عايز ياكل حق بنتي.. قصدي مرات ابني
المحامي بصلها وقال.. حضرتك.. انا محامي بقالى 30 سنة.. ومبسجلش حاجة متفبركة.. ولو سمحتي اقعدي
وبعدين داس تاني على التليفون.. والصوت كمل
صوت ابويا بيقول.. تسيطر عليها ازاي؟
صوت جوزي بيضحك ضحكة بايخة وبيقول.. زي ما بسيطر على كل حاجة.. هقولها ان ابوها كان مديون.. وان الفلوس دي لازم تروح تسد ديون عيلتي.. وانا عارف انها هتصدقني.. عشان هي طيبة وغلبانة.. وبتحبني.. والبيت اللي امي اختارته.. هنكتبه باسم امي.. عشان لو فكرت تخلع.. متاخدش حاجة
انا كنت قاعدة متجمدة.. مش قادرة اتنفس.. ايدي ماسكة في الكرسي لحد ما ضوافري هتدخل في الخشب
امه بصت لجوزي وقالت.. اسكت.. اسكت بقى
بس التسجيل كمل
صوت ابويا قال.. والديون دي كام؟
جوزي قال.. ميتين الف.. بس هقولها تلتميت الف.. والفرق اخده انا وامي.. والباقي من الورث.. هشتري بيه البيت.. وكده كده الفلوس هتبقى تحت ايدي
صوت ابويا سكت لحظة.. وبعدين قال.. وانا لو موافقتش؟
جوزي قال.. هتوافق.. عشان انت بتموت.. ومش هتلحق تعمل حاجة.. وبنتك بتحبني.. وهتعمل اللي هقولها عليه
التسجيل خلص
القاعة كلها ساكتة.. مفيش نفس
انا رفعت وشي.. وبصيت لجوزي.. لقيته مش جوزي اللي اعرفه.. ده واحد تاني خالص.. واحد كنت عايشة معاه 6 سنين وانا مش شايفاه
قلتله.. انت قلت كده لابويا وهو على سرير الموت؟
سكت
قلتله بصوت عالي.. رد عليا.. انت قلت لابويا انك هتضحك عليا وتاخد فلوسي وتكتب البيت باسم امك؟
امه تدخلت وقالت.. يا بنتي ده كان بيهزر.. ده كان بيخفف عن ابوكي..
قلتلها.. يخفف عنه؟.. يخفف عنه انه هيسرق بنته؟
المحامي خبط على الترابيزة وقال.. لو سمحتوا.. التسجيل لسه مخلصش.. فيه جزء تاني.. بس الجزء ده.. ابوكي سجله ليكي انتي لوحدك
جوزي قال.. يعني ايه ليا لوحدي؟.. انا جوزها ومن حقي اسمع
المحامي قال.. لا مش من حقك.. الوصية بتقول ان الجزء التاني.. الست تسمعه لوحدها.. ولو جوزها موجود.. يخرج برا
جوزي قال.. مش هخرج.. دي فلوس مراتي وانا..
المحامي بص للامن اللي واقف على الباب.. شاورله.. الامن دخل وقال.. يا استاذ لو سمحت
جوزي وامه خرجوا وهما بيبرطموا.. وبيقولوا.. هنشوف.. هنرفع قضية.. ده تزوير
الباب اتقفل
المحامي بصلي وقالي.. انت كويسة؟
قلت.. شغل التسجيل
داس تشغيل
صوت ابويا جه.. بس المرة دي صوته كان تعبان اوي.. بيتنفس بالعافية.. وقال.. يا بنتي.. لو بتسمعي التسجيل ده.. يبقى انا مت.. وجوزك طلع زي ما توقعت.. انا عارفه من اول يوم شفته.. عينه مش على بنتي.. عينه على فلوس بنتي.. جيه زارني من تلت شهور.. وقعد يقولي انا مديون.. وعيلتي هتتطرد من البيت.. وانا قلتله هساعدك.. بس لما جيه تاني مرة.. لقيته جايب امه معاه.. وبيوريني بيت بستمية الف.. وبيقولي اكتبه باسم امي.. ساعتها فهمت..
يا بنتي انا بعت الشركة بتلاتة مليون.. كنت شايلهم ليكي.. بس مش هسيبهملك فلوس كاش.. عشان لو سيبتهملك كاش.. جوزك هياخدهم في شهرين..