الورث اللي لتفتح بعد الطلاق حصري لموقع لمحه

انا هسيبهملك حاجة محدش يعرف ياخدها منك
انا اشتريت عمارتين صغيرين.. كل عمارة فيها 8 شقق.. وكتبتهم باسمك من شهر.. والعقود في الدرج اللي وراكي.. والمحامي معاه نسخة.. واشتريتلك محلين في السوق.. ايجارهم في الشهر يخليكي تعيشي ملكة انتي وبنتك.. لو خلفتي.. والباقي.. مليون.. حطيته في حساب مقفول.. ميتفتحش غير بعد طلاقك.. او بعد ما جوزك يمضي تنازل عن اي حق في ورثك
يا بنتي.. انا عارف انك بتحبيه.. بس الحب اللي يخليكي تدفعي تمنه فلوس ابوكي.. يبقى مش حب.. يبقى نصب.. وجوزك نصاب.. وانا اسف اني بقولها.. بس انا ابوكي.. ولازم احميكي حتى وانا ميت
التسجيل خلص.. وانا بقيت بعيط بصوت عالي.. حضنت التليفون بتاع ابويا.. كأني بحضنه هو
المحامي فتح الدرج اللي ورايا.. طلع دوسيه كبير.. وقال.. دي عقود العمارتين والمحلين.. ودي ورقة الحساب المقفول.. ودي وصية ابوكي النهائية.. اللي بتقول ان كل الورث ليكي انتي لوحدك.. وجوزك ملوش ولا جنيه.. ولو رفع قضية.. يخسرها.. عشان فيه تسجيل وشهود.. انا كنت قاعد في الاوضة اللي جنبكم يومها وسامع كل حاجة
مسكت الورق وايدي بتترعش
المحامي قال.. تحبي اندهله؟
قلت.. لا
قال.. هتعملي ايه؟
قلت.. هطلق
طلعت برا.. لقيت جوزي وامه واقفين في الطرقة.. واول ما شافني.. جري عليا وقال.. حبيبتي.. انا هفهمك.. التسجيل ده..
قطعته وقلت.. طلقني
قال.. ايه؟
قلت.. طلقني.. حالا.. هنا.. قدام المحامي
امه قالت.. انتي اتجننتي؟.. عشان تسجيل متفبرك هتخربي بيتك؟
قلت.. بيتي؟.. هو فين بيتي؟.. البيت اللي امك اختارته وكتبه باسمها؟.. ولا الشقة الايجار اللي انا بدفع ايجارها من مرتبي؟.. انتو كنتو هتاخدوا ورث ابويا اللي مات من اقل من اسبوع وتشتروا بيه بيت لامك.. وانا كنت هفضل في الايجار؟
جوزي سكت
قلت.. انا كنت ساكتة في الجنازة لما قلت ان ورثي هيسد ديونكم.. كنت ساكتة عشان ابويا لسه مدفون.. بس دلوقتي ابويا هو اللي رد عليك.. من قبره رد عليك
روحت للمحامي وقلتله.. عايزة ارفع قضية خلع.. النهاردة
المحامي قال.. هرفعها.. بس مش هتحتاجي خلع.. هو هيمضي تنازل لوحده.. لما يعرف انه لو ممضاش.. مش هياخد ولا جنيه.. ولو مضى.. هياخد 10 الاف مصاريف.. ابوكي كاتب كده
وفعلا.. بعد اسبوع.. جوزي مضى التنازل.. وخد 10 الاف.. ومشي
امه كلمتني وقالتلي.. حسبي الله ونعم الوكيل.. ضيعتي مستقبل ابني عشان كلام فاضي
قلتلها.. انا مضيعتش مستقبله.. هو اللي ضيع نفسه لما افتكر انه هيضحك على راجل بيموت.. ابويا مات وهو بيحميني.. وانتو كنتو عايشين وبتسرقوني
وقفلت السكة
النهاردة فات 6 شهور.. انا قاعدة في شقة من شقق العمارة بتاعتي.. مش ب الف.. بس شقة بتاعتي.. باسمي.. محدش يقدر يطردني منها.. والمحلين بيجيبوا ايجار بيخليني مش محتاجة حد.. والحساب المقفول.. لسه مقفول.. مش هفتحه.. سيباه.. عشان كل ما ابصله.. افتكر ان ابويا حتى وهو بيموت.. كان بيفكر فيا.. وكان سامع جوزي وهو بيقول.. هسيطر عليها كده كده.. وكان بيرد عليه.. لا.. بنتي محدش هيسيطر عليها غير ربنا وانا
وكل يوم.. بمسك تليفون ابويا القديم.. واشغل اول ست ثواني.. تسيطر عليها ازاي؟.. هسيطر عليها كده كده.. وبعدين اقفله.. واقول.. لا.. معرفتش
وبعد الطلاق ما خلص وجوزي خد العشرة الاف ومشي.. انا افتكرت ان خلاص.. الحكاية خلصت وارتحت.. بس اللي حصل بعد كده كان اتقل بكتير من اللي حصل في قاعة الوصية
تاني يوم بعد ما مضى التنازل.. لقيت امه جاية تخبط عليا في شقتي الايجار القديمة.. كنت لسه منقلتش للعمارة.. فتحت لقيتها واقفة ومعاها شنطتين كبار.. وبتقولي.. انا هقعد معاكي
قلتلها.. تقعدي معايا فين؟.. انتي مش امي
قالت.. ابني طردني.. بعد ما انتي خلتيه يمضي وياخد عشرة الاف.. الفلوس خلصت.. وصاحب البيت طرده.. وانا ماليش مكان.. وانتي السبب.. وانتي عندك عمارتين ومحلين.. هتسيبي حماتك في الشارع؟
قلتلها.. انا مش حماتك خلاص.. ابنك طلقني.. وعمارتي دي ورث ابويا.. مش هسكن فيها حد كان عايز يسرقني
قالت.. طب بنتك؟
قلتلها.. بنتي ايه؟.. انا معنديش عيال منه.. الحمد لله
قالت.. لا قصدي.. انا زي امك
ساعتها مقدرتش امسك نفسي.. قلتلها.. امي ماتت من عشر سنين.. وابويا لسه ميت من شهر.. وانتي واقفة في جنازته بتتفرجي على بيوت بستمية الف.. امي عمرها ما عملت كده.. اطلعي برا
وقفلت الباب في وشها.. وكنت بترعش.. مش عشان قاسية.. عشان كنت خايفة.. خايفة ارجع لنفس الطيبة اللي خلت جوزي يقول عليا غلبانة وهتصدق اي حاجة
بعدها باسبوع نقلت.. نقلت للعمارة بتاعتي.. الدور التالت.. شقة 120 متر.. مش كبيرة.. بس كل ركن فيها بتاعي.. كل مسمار باسمي.. اول مرة في حياتي ادخل شقة وانا عارفة ان محدش هيقولي اطلعي برا.. ولا حد هيقولي ده مش مكانك
المحامي كلمني وقال.. فيه حاجة لازم تعرفيها.. ابوكي كان سايب جواب.. قال متفتحهوش غير لما تنقلي وتستقري
روحت خدت الجواب.. جواب بخط ايد ابويا.. اللي كان خطه وحش.. بس انا حافظاه
فتحته لقيته كاتب
يا بنتي يا حبيبتي.. لو بتقري الجواب ده يبقى انتي نقلتي.. ويبقى قدرتي تقفي على رجلك.. انا عايز اقولك حاجة.. انا مكنتش عايز اسجله.. جوزك لما جه قالي انا مديون بميتين الف.. انا اديته خمسين الف من معايا.. من غير ما اقولك.. قلت اساعده.. شاب وبيبدأ حياته.. بس بعدها باسبوع.. لقيت امه جاية تزورني في المستشفى.. ومعاها فاتورة.. فاتورة بيت بستمية الف.. وبتقولي ابني قال