لما حطيت ابني علي صدره صحي حصري لموقع لمحه

هيصدقني؟.. أنا واحدة معهاش فلوس وجاية أربي ابني هنا
عينه راحت ناحية الموبايل بتاعي اللي على الترابيزة
فهمت.. عايزني أسجل
خدت موبايلي.. وفتحت الكاميرا.. وحطيتها على التسريحة.. بتصور السرير من غير ما تبان انها بتصور.. وبعدين قعدت جنبه وقلت بصوت عالي شوية عشان التسجيل يلقط
يا أستاذ.. انت سامعني؟.. لو سامعني رمش مرة
رمش مرة.. والتسجيل شغال
الدكتور اللي بيجي لك كل يوم.. هو اللي بيديك الدوا اللي بيشلك؟
رمش مرة
ابن أخوك هو اللي قايل له يعمل كده؟
رمش مرة
سجلت كل حاجة.. كل رمشة.. كل حركة صغيرة لشفايفه.. وهو بيقول عايز يمضيني.. على توكيل
فهمت.. ابن أخوه عايزه يمضي على توكيل عام عشان يبيع كل حاجة قبل ما يموت.. عشان لو مات من غير توكيل.. الورث هيروح للمحكمة.. وهياخد وقت.. وهو مستعجل
في نفس اللحظة.. الباب خبط.. ابن أخوه دخل.. شافني قاعدة جنبه والموبايل على التسريحة
قال بتعملي ايه؟
قلت ولا حاجة.. كنت بطمن عليه.. وبصور ابني وهو نايم
بص للموبايل.. وبعدين بص لي.. وقال امسحي أي حاجة صورتيها هنا.. البيت ده فيه كاميرات.. ولو صورتي أي حاجة تخص عمي.. هحبسك
خدت الموبايل ومسحت الصورة اللي باينة.. بس الفيديو كان معمول له حفظ تلقائي على الكلاود.. كنت عاملة الحركة دي عشان ابني لو حصله حاجة
مشي.. وأنا قلبي بيدق جامد
بالليل.. الدكتور جه تاني.. نفس العلبة البيضا.. نفس الحقنة.. أول ما حقنها.. الراجل اتخشب تاني.. وبطل يرمش.. وبطل يتحرك
الدكتور قال لابن أخوه خلاص.. يومين كمان والموضوع يخلص.. جهز التوكيل
سمعتهم من ورا الباب.. كنت حاطة ودني على الباب
ابن أخوه قال هيبصم ازاي وهو مشلول؟
الدكتور قال هفوقه شوية.. 5 دقايق بس يبصم فيهم.. وبعدين هديه جرعة زيادة تريحه خالص
كانوا ناويين يموتوه بعد ما يبصم
جريت على الأوضة.. مسكت الراجل من كتفه.. وقلت له اسمعني.. هما ناويين يخلوك تبصم وبعدين يموتوك.. أنا معايا فيديو.. بس محدش هيصدقني لوحدي.. لازم حد تاني يشوفك وانت فايق
فكرت.. مين؟.. مين ممكن يصدق ممرضة معهاش فلوس؟
افتكرت.. الست اللي بتيجي تنضف البيت كل يوم خميس.. كانت بتقول انها شغالة هنا من 20 سنة.. وكانت بتحب الراجل ده أوي.. وبتقول انه هو اللي ربى ابن أخوه بعد ما أبوه وأمه ماتوا.. وان ابن أخوه ده واطي ومبيطمرش فيه
استنيت ليوم الخميس.. واول ما جت.. خدتها على جنب.. وقلت لها عايزاكي تشوفي حاجة.. بس متقولي لحد
دخلتها الأوضة.. وابني كان نايم على صدره تاني.. زي أول مرة.. وفجأة الراجل اتحرك.. صباعه اتحرك.. وعينه فتحت
الست شهقت.. وحطت إيدها على بقها.. وقالت يا لهوي.. ده فايق.. ده فايق من امتى؟
قلت لها من يوم ما حطيت ابني على صدره.. ابني هو اللي فوقه
قعدت تعيط.. وقالت أنا كنت حاسة.. كنت حاسة انه سامعنا.. كنت كل يوم أدخل أقول له متخافش يا حبيبي.. أنا جنبك
قلت لها هما هيموتوه بكرة.. بعد ما يبصموه على التوكيل
قالت نعمل ايه؟
قلت لها معايا فيديو.. بس عايزين حد تقيل.. حد ابن أخوه ميقدرش يشتريه
قالت أعرف محامي.. كان صاحب أبوه.. راجل كبير وعنده ضمير.. هو اللي كتب له الشركة باسمه زمان
كلمته.. جه بالليل متأخر.. دخل من باب الخدم.. شاف الفيديو.. شاف الراجل وهو بيرمش.. لما قلت له لو سامعنا رمش.. رمش.. ولما قلت له ابن أخوك بيسرقك؟ رمش
المحامي قال ده لازم يروح مستشفى تاني حالا.. الدكتور ده بيديله دوا غلط.. ده شروع في قتل
قلت له ابن أخوه مش هيرضى يطلعه من البيت
قال أنا هتصرف
تاني يوم.. الساعة 4.. الدكتور جه بالعلبة البيضا.. وابن أخوه جه بالتوكيل.. وكانوا داخلين الأوضة.. لقوا البوليس واقف جوه الأوضة.. والمحامي.. ودكتور تاني من مستشفى حكومي
ابن أخوه قال انتو مين وبتعملوا ايه في بيتي؟
المحامي قال ده مش بيتك.. ده بيت عمك.. ومعانا أمر نيابة بتفتيش البيت وأخذ عينة من الدوا اللي بتدوهوله.. ومعانا فيديو يثبت انه فايق وواعي وانتو بتدوله دوا يشله
الدكتور حاول يرمي العلبة البيضا من الشباك.. بس الظابط مسكه
خدوا الراجل على المستشفى.. وهناك غسلوا له دمه من الدوا.. وبعد 3 أيام.. بدأ يحرك إيده.. وبعد أسبوع.. بدأ يتكلم.. كلمة كلمة.. أول كلمة قالها.. بص لي وقال فين الولد الصغير اللي صحاني؟
جبت له ابني.. حطه على صدره تاني.. زي أول مرة.. والراجل عيط
ابن أخوه اتقبض عليه.. والدكتور اتقبض عليه.. وطلعوا كانوا بيدوله دوا بتاع شلل عشان يبان انه عنده مرض نادر ويموت بالبطيء.. والتحاليل كلها كانت بتتضرب بفلوسه
بعد شهر.. الراجل خرج من المستشفى.. ورجع بيته.. بس المرة دي.. أنا مبقتش الممرضة اللي بتبات في أوضة الخدمة.. بقيت قاعدة معاه في الصالة.. وابني بيحبي حواليه
قال لي في يوم انتي أنقذتي حياتي.. اطلبي اللي انتي عايزاه
قلت له أنا مش عايزة فلوس.. أنا عايزة بس أوضة لابني.. أوضة فيها شباك بيدخل شمس.. مش أوضة خدمة من غير شباك.. وعايزة أتعلم.. عايزة أكمل تعليمي اللي وقفته لما خلفت
قال لي هتكملي تعليمك.. وابنك هيدخل أحسن حضانة.. وهتفضلي معايا.. مش كممرضة.. كأختي.. انتي وابنك صحتوني من الموت.. لما كل عيلتي كانت بتجهز قبري.. انتي الوحيدة اللي حطيتي ابنك على صدري.. والحركة دي هي اللي فوقتني
ومن ساعتها.. بقيت قاعدة في البيت الكبير ده.. بس مش في أوضة الخدمة.. في أوضة فوق.. ليها بلكونة.. وابني بينام